Aýa raıy
Astana 21 °S
Almaty 20 °S
valıýta baǵamy
USD 386.04
EUR 427.77
RUB 5.88
CNY 54.45

Bilim mınıstri balany alty jasynan mektepke qabyldaýǵa qatysty pikir bildirdi

2019 jyldyń 17 shilde 2019 18:23 439

NUR-SULTAN. QazAqparat – QR Bilim jáne ǵylym mınıstri Ashat Aımaǵambetov balalardy 6 jasynan mektepke qabyldaý tártibine qatysty túsinik berdi, dep habarlaıdy QazAqparat tilshisi.

Budan buryn habarlanǵandaı, Adam quqyqtary jónindegi ýákil Asqar Shákirov balalardy 6 jastan mektepke qabyldaýǵa qatysty mınıstrge úndeý joldaǵan edi.

«Ombýdsmenniń úndeý hatyna toqtalsaq, bul aqparatty jańalyqtardan oqydym. Meniń oıymsha, biz bul úndeýdi resmı túrde qarastyryp, belgilengen tártipte jaýabyn beremiz. Ózderińiz bilesizder, úsh jyl buryn bul norma qabyldanyp, zańǵa engizildi. Sondyqtan bul norma jańalyq emes. Sonymen qatar, aıyppul salynady degendi naqtylaı almaımyn, ıaǵnı balalar alty jasynan mektepke barmaǵany úshin bizde aıyppul qarastyrylmaǵan», - dedi mınıstr Ortalyq kommýnıkatsııalar qyzmetindegi baspasóz máslıhatynda.

Onyń sózine qaraǵanda, 2014 jyly elimiz boıynsha birinshi synypqa 320 myń búldirshin baryp, onyń ishinde 60 paıyzy alty jasta bolǵan.

«Ótken jyly da 6 jasynan mektep tabaldyryǵyn attaǵan bala sanyna taldaý júrgizdik, olardyń 80 paıyzǵa jýyǵy alty jasynda oqýshy atandy. ıÝNESKO málimeti boıynsha álemniń 134 elinde alty jastan mektepke barady. Árıne, balalardyń derbes erekshelikteri bar jáne osyny biz eskerýimiz kerek», - dedi A. Aımaǵambetov.

Sonymen qatar, mınıstr óz balasyn da mektepke alty jasynda bergenin jáne bul sheshimge esh ókinbeıtinin atap ótti.

Joǵary qaraı