Aýa raıy
Astana 15 °S
Almaty 20 °S
valıýta baǵamy
USD 386.70
EUR 427.15
RUB 6.06
CNY 54.57

Bilim mınıstri: Oqýshy bolashaq mamandyǵyn 7- synyptan bastap aıqyndaı bastaýy kerek

2019 jyldyń 16 tamyz 2019 13:14

NUR-SULTAN. QazAqparat – Bilim jáne ǵylym mınıstri Ashat Aımaǵambetovtyń esepteýinshe, oqýshy qandaı mamandyqty tańdaıtynyn 7-shi synyptan bastap aıqyndaı bastaýy kerek, dep habarlaıdy QazAqparat tilshisi.

«Jańa oqý jylynda 200 myńǵa jýyq bala erte profılızatsııaǵa ótedi. Ózderińiz biletindeı, qazirgi tańda 10 synyptyń oqýshylary jańa baǵdarlamaǵa kóshedi. Onda belgili bir pánder boıynsha profılızatsııa qarastyrylǵan. Men Almaty qalasyndaǵy jáne birneshe óńirdegi mektepterdiń dırektorlarymen kezdestim. Keıbir túsinispeýshilik bar. Biz nusqaýlyq-ádistemelik hatta bul jaılardyń bárin jazdyq. Jalpy, mamandyqty aıqyndaý máselesi – óte ózekti. Búgingi tańda mamandyqty aıqyndaýdyń sıpaty mynadaı: JOO-lar men kolledjder oqýshylarǵa tek 11 synypta qysqa nemese kóktemge taıaý keledi. Oqý ornyn jarnamalaıdy. Al ol ýaqytta oqýshy óziniń keleshektegi mamandyǵyn tańdap ta qoıady. Bul mamandyqty aıqyndaý emes», - dedi mınıstr Tamyz konferentsııasynda.

Ashat Aımaǵambetov mamandyqty aıqyndaý jumysy júıeli sıpatqa ıe bolýy kerektigin jetkizdi.

«Bizdiń oıymyzsha, mamandyqty aıqyndaý jetinshi synyptan bastalýy kerek. ıAǵnı, aldyn ala profdıagnostıka júrgizilip, qajetti sharalar qabyldanýy tıis. Bilim jáne ǵylym mınıstrliginde bul jumysty qalaı júzege asyrý jaǵynan naqty jospary bar», - dedi Ashat Aımaǵambetov.

Joǵary qaraı