Aýa raıy
Astana -2 °S
Almaty 0 °S
valıýta baǵamy
USD 389.75
EUR 434.26
RUB 6.12
CNY 55.05

Bir mezette 180 myń adam latyn álipbıinen dıktant jazdy

2019 jyldyń 10 qyrkúıek 2019 12:07

NUR-SULTAN. QazAqparat – Búgin Qazaqstan boıynsha 180 myń adam latyn álipbıinen dıktant jazdy, dep habarlaıdy QazAqparat tilshisi.

Tilder kúni merekesine oraı uıymdastyrylǵan shara eldegi mektepter men joǵary oqý oryndarynda, kitaphanalar men mádenıet oshaqtarynda ótýde. Qazaqstan halqy assambleıasynyń uıymdastyrýymen qolǵa alynǵan sharanyń biri elordadaǵy Ulttyq akademııalyq kitaphanada ótti. Memlekettik organdar men jeke menshik kásiporyndardan, oqý oryndarynan jınalǵan 200-ge jýyq qala turǵyny ǵalym Kamal Álpeıisova oqyǵan «2019 jyl – Jastar jyly» taqyrybyndaǵy mátindi latyn qarpimen 40 mınýttyń ishinde jazyp shyqty. Dıktant jazýshylardyń arasynda QR Parlamenti Májilisiniń depýtaty Gennadıı Shıpovskıh, QHA «Jańǵyrý joly» respýblıkalyq jastar qozǵalysynyń tóraǵasy Maksım Spotkaı sııaqty belsendiler de bar. QHA Tóraǵasynyń orynbasary Janseıit Túımebaev sharanyń kitaphanaǵa jınalǵan kópshilikti aıtýly sharamen quttyqtap, belsendilikteri úshin alǵys bildirdi.





«Memlekettik tilde jalpyqazaqstandyq ashyq dıktant jazý – Qazaqstan halqy Assambleıasynyń tól jobasy. Onyń maqsaty qoǵamymyzda halyqty uıystyrýshy faktor – memlekettik tildi bilýge qyzyǵýshylyqty arttyryp, qazaqstandyq biregeılikti qalyptastyrý, qoǵamdyq kelisim men el birligin nyǵaıtý. Búgin bir mezette 180 myń qazaqstandyq latyn qarpinde dıktant jazýǵa nıet bildirdi. 2017 jyly «Máńgilik El» patrıottyq aktisi qabyldanǵanda, Qazaqstan halqy Assambleıasy elimizdiń barlyq eldi mekenderinde osy patrıottyq aktige arnalǵan jalpyqazaqstandyq ashyq dıktant ótkizýge bastama kótergen bolatyn. 2018 jylǵy jalpyqazaqstandyq dıktanttyń taqyryby Táýelsiz Qazaqstannyń jaýhary – bas qalamyzdyń 20 jyldyǵyna arnaldy. Búgin osy patrıottyq jáne aǵartý aktsııasyn júrgizý arqyly Qazaqstan halqy Assambleıasy árqaısymyzdyń boıymyzda naǵyz qazaqstandyq patrıotızm sezimin qalyptastyrýdy maqsat etedi. Eldiń jazý tarıhyndaǵy jańa qadamdy qoldaý arqyly bizdiń boıymyzda Otanymyzdy súıý, saýatty jazý, memlekettik tildi qurmetteı bilý qasıetteri tereńdeı túseri anyq», - dedi Janseıit Túımebaev.





Avtor Esimjan Naqtybaı
Basty sózder: Latyn álipbıi, Qoǵam, Bilim,
Joǵary qaraı