Aýa raıy
Astana 10 °S
Almaty 17 °S
valıýta baǵamy
USD 385.16
EUR 425.95
RUB 6.01
CNY 54.51

Birjan Nurymbetov Eńbek jáne halyqty áleýmettik qorǵaý mınıstri boldy

2019 jyldyń 20 tamyz 2019 19:25

NUR-SULTAN. QazAqparat – Birjan Nurymbetov QR Eńbek jáne halyqty áleýmettik qorǵaý mınıstri qyzmetine taǵaıyndaldy. Bul týraly Aqordanyń baspasóz qyzmetinen málim etti, dep habarlaıdy QazAqparat.

«Birjan Bıdaıbekuly Nurymbetov Qazaqstan Respýblıkasynyń Eńbek jáne halyqty áleýmettik qorǵaý mınıstri bolyp taǵaıyndalsyn», - delingen Memleket basshysy Qasym-Jomart Toqaevtyń Jarlyǵynda.

Birjan Bıdaıbekuly NURYMBETOV 1968 jyly 19 naýryzda týǵan.

Ál-Farabı atyndaǵy Qazaq memlekettik ýnıversıtetin «Mehanıka jáne qoldanbaly matematıka» mamandyǵy boıynsha jáne Almaty ekonomıka jáne statıstıka akademııasyn «Qarjy» mamandyǵy boıynsha bitirgen.

Eńbek joly: 1993 – 1996 jyldar aralyǵynda – Jambyl qalasy boıynsha salyq ınspektsııasynyń salyq ınspektory, bólim bastyǵy;

1996 jyly – Jambyl oblysy ákiminiń birinshi orynbasarynyń keńesshisi;

1997 jyly – Jambyl oblysy ákimi apparatynyń sektor meńgerýshisi;

1997 – 2008 jyldar aralyǵynda – «Zeınetaqy tóleý memlekettik ortalyǵy» RMKK Jambyl oblysy boıynsha fılıalynyń dırektory;

2008 – 2009 jyldar aralyǵynda – QR Eńbek jáne halyqty áleýmettik qorǵaý mınıstrliginiń Baqylaý jáne áleýmettik qorǵaý komıtetiniń tóraǵasy;

2009 – 2012 jyldar aralyǵynda – QR Eńbek jáne halyqty áleýmettik qorǵaý vıtse-mınıstri;

2012 – 2015 jyldar aralyǵynda – QR Premer-Mınıstri Keńsesi Basshysynyń orynbasary;

2015 – 01.2017 jyldar aralyǵynda – QR Densaýlyq saqtaý jáne áleýmettik damý vıtse-mınıstri;

2017 – 12. 2017jyly – QR Eńbek jáne halyqty áleýmettik qorǵaý vıtse-mınıstri;

2017 jylǵy jeltoqsannan – QR Kásipodaqtar federatsııasy tóraǵasynyń birinshi orynbasary qyzmetin atqardy.

Buǵan deıin Eńbek jáne halyqty áleýmettik qorǵaý mınıstri Berdibek Saparbaev qyzmetinen bosatylyp, QR Premer-Mınıstriniń orynbasary laýazymyna taǵaıyndalǵanynhabarlaǵan bolatynbyz.

Joǵary qaraı