Aýa raıy
Astana -8 °S
Almaty 13 °S
valıýta baǵamy
USD 389.98
EUR 434.01
RUB 6.10
CNY 55.04

Bıyl baspanaly bolatyn kópbalaly otbasylar sany artady

2019 jyldyń 20 qyrkúıek 2019 12:15

NUR-SULTAN. QazAqparat – Bıyl jyl sońyna deıin 8 myń kópbalaly otbasy baspanaly bolady. Bul týraly búgin Úkimet úıindegi baspasóz máslıhatynda QR Indýstrııa jáne ınfraqurylymdyq damý birinshi vıtse-mınıstri Qaıyrbek Óskenbaev aıtty, dep habarlaıdy QazAqparat tilshisi.

«Nurly jer» baǵdarlamasy arqyly paıdalanýǵa berilip jatqan úılerdiń sany ósip keledi. Byltyr 12 mıllıon sharshy metrden astam baspana paıdalanýǵa berilse, bıyl 13 mıllıonnan asady dep josparlap otyrmyz. 120 myń páter beriledi. 8 aıdyń ishinde 7 mln 600 myń sharshy metr paıdalanýǵa berildi. Ol - 65 825 páter. Onyń ishinde 28 210 jeke tulǵalar salǵan úıler, al 37 615 úı kópqabatty páterler», - dedi vıtse-mınıstr.

Osy rette ol byltyrmen salystyrǵanda, 4 óńir úı qurylysy boıynsha alǵa qoıǵan jospar boıynsha tolyq jumys atqaryp jatqanyn aıtty. Degenmen, eki óńirde, atap aıtqanda Nur-Sultan qalasynda 33 paıyzǵa, Mańǵystaý oblysynda 9,5 paıyzǵa úı qurylysynyń kórsetkishi quldyrap otyrǵandyǵyn da jasyrmady.

«Byltyr mamyr aıynda kópbalaly otbasylarǵa úı sala bastadyq. Bıyl 6 myń páter beremiz dep oılaǵan edik. Biraq, onyń sany artaıyn dep otyr. Búgingi kúni 2 813 páter berildi. Jyldyń sońyna deıin 8 myńǵa jetkizemiz dep otyrmyz. «Baqyty otbasy» eń tanymal baǵdarlamaǵa aınaldy»,- dedi Qaıyrbek Óskenbaev.

Joǵary qaraı