Aýa raıy
Astana 30 °S
Almaty 35 °S
valıýta baǵamy
USD 384.87
EUR 432.52
RUB 6.11
CNY 55.95

Bıyl otandyq 43 serıal kórermen nazaryna usynylady

2019 jyldyń 25 maýsym 2019 15:59 1402

 NUR-SULTAN. QazAqparat - Bıyl Almaty oblysy, Pavlodar men Qostanaı aımaqtaryn tsıfrlyq habar taratýǵa aýysady. Bul týraly halyqpen eseptik kezdesýinde QR Aqparat jáne qoǵamdyq damý mınıstri Dáýren Abaev málim etti, dep habarlaıdy QazAqparat tilshisi.

«Otandyq telehıkaıalardy damytý jumystary da josparǵa saı júzege asyrylyp otyr. Ótken jyly memlekettik tapsyrys aıasynda 46 teleserıal túsirildi. 2019 jyly 43 serıaldy kórermen nazaryna usynýdy josparlap otyrmyz», - dedi mınıstr.

Sonymen qatar ol tsıfrlyq habar taratý baǵytyndaǵy jumystarǵa toqtaldy.

«Ózderińizge de belgili, tsıfrlyq teleradıohabarlaryn taratýǵa kezeń-kezeńimen kóshirý jumystary da júıeli jolǵa qoıyldy. Qazirgi ýaqytta Mańǵystaý, Túrkistan, Jambyl oblystary jáne Shymkent qalasy tolyq tsıfrlyq habar taratýda. Osy jyly Almaty oblysy, Pavlodar men Qostanaı aımaqtaryn tsıfrlyq habar taratýǵa aýystyrýdy kózdep otyrmyz. Al osy baǵyttaǵy jumystar 2021-shi jyly tolyq aıaqtalady degen josparymyz bar», - dedi D. Abaev.


null 

Budan bólek mınıstr «Ashyq Úkimet» portalyn damytý men qajetti normatıvti-quqyqtyq bazasyn qalyptastyrý boıynsha da irgeli ister atqarylǵanyn atap ótti.

«Máselen, ótken jyly osy jumystardyń náteıjesi boıynsha memlekettik organdardyń ashyq derekteriniń ózektiligin tolyqtaı 97 paıyzǵa jetkizdik. Endigi ýaqytta olardyń sapasy men qajettiligin joǵarylatýdy kózdep otyrmyz.    Jergilikti atqarýshy organdar boıynsha biz ashyqtyqtyń úzdik úlgisin daıyndaýdamyz. Bul másele boıynsha bizge úkimettik emes sektor úlken kómek kórsetip otyr», - dedi Dáýren Abaev.



null

null  

 

Joǵary qaraı