Aýa raıy
Astana -3 °S
Almaty 7 °S
valıýta baǵamy
USD 389.34
EUR 428.78
RUB 6.05
CNY 55.45

BQO-da bir aptada jol apatynan úsh adam qaza tapty

2019 jyldyń 14 qazan 2019 22:05

ORAL. QazAqparat – Batys Qazaqstan oblysynda bir aptada jol apattynan úsh adam qaza tapty, dep habarlaıdy QazAqparat tilshisi.

BQO polıtsııa departamentiniń baspasóz qyzmetinen málim etkenindeı, ótken dúısenbiden búginge deıin 8 jol-kólik oqıǵasy tirkelip, sonyń saldarynan 3 adam mert bolyp, 8-i túrli jaraqat aldy.

Jol apattary Oral qalasynda da jıilep otyr. 13 qazan kúni keshkisin N.Nazarbaev dańǵyly men A.Karev kóshesi qıylysynda «VAZ-21070» avtokóligi jaıaý júrginshi ótkelinde eki er adamdy qaǵyp ketti.

Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, jedel járdem saǵat 21.29-da shaqyrylyp, brıgada bes mınýttan keıin jetti.

Aldyn ala málimet boıynsha 1974 jylǵy er adam jabyq bas-mı jaraqatyn alyp, mıy shaıqalǵan. 1976 jylǵy azamattyń jambas eti kógergen. Ekeýi de oblystyq kópbeıindi aýrýhanaǵa jetkizildi.

14 qazan kúni saǵat 14.50 shamasynda taǵy da N.Nazarbaev dańǵyly boıynda «Baspahana» aıaldamasy tusyndaǵy jaıaý júrginshi ótkelinde «VAZ-2115» avtokóligi 17 jasar qyzdy qaǵyp ketti.

Quıymshaq súıegi synyp, jabyq bas-mı jaraqatyn alǵan 2002 jylǵy qyz oblystyq kópbeıindi balalar aýrýhanasyna jatqyzyldy.

Avtor Eljan Eraly
Basty sózder: Kólik, Oqıǵa, Batys Qazaqstan oblysy,
Joǵary qaraı