Aýa raıy
Astana 9 °S
Almaty 3 °S
valıýta baǵamy
USD 389.59
EUR 429.06
RUB 6.05
CNY 55.07

Bokstan ÁCh: Vasılıı Levıt qola medaldi qanaǵat tutty

2019 jyldyń 20 qyrkúıek 2019 18:28

NUR-SULTAN. QazAqparat – Búgin Reseıdiń Ekaterınbýrg qalasynda ótip jatqan bokstan álem chempıonatynda Qazaqstan qorjynyna úshinshi qola medal tústi, dep habarlaıdy QazAqparat tilshisi.

91 keli salmaqta el namysyn qorǵaǵan Rıo Olımpıadasynyń kúmis júldegeri qazaqstandyq Vasılıı Levıt qola medal ıegeri atandy.

Ol jartylaı fınalda ekvadorlyq Hýlıo Kastılony buryshtan-buryshqa qýalap, aýyr soqqylardyń astyna aldy. Jekpe-jek aıaqtalǵanda jerlesimiz óziniń jeńisine senimdi boldy. Alaıda, kútpegen jerden tóreshiler jeńisti 2:3 esebimen qarsylasynyń qolyn kóterdi.

Osylaısha úshinshi qazaqstandyq boksshy álem chempıonatyn qola medalmen aıaqtady.

Esterińizge sala keteıik, osyǵan deıin 52 keli salmaqta Sáken Bıbosynov pen 75 keli salmaqta Tursynbaı Qulahmet qola medal jeńip alǵan bolatyn.

Jalpy, bokstan álem chempıonatynyń jartylaı fınalyna 6 boksshymyz shyqqan. Endi keshki sessııada Abylaıhan Júsipov (69) Reseı quramasynyń kapıtany Andreı Zamkovpen jekpe-jekke shyqsa, Bekzat Nurdáýletov (81) tórt dúrkin álem chempıony kýbalyq Hýlıo Sezar La Krýzben judyryqtasady. Sondaı-aq, jarys kúniniń sońynda Qazaqstan quramasynyń kapıtany Qamshybek Qońqabaev (91 keliden asa) aýstralııalyq ıÝstıs Hýnımen fınaldyq aıqasqa túsedi.


Avtor Kúnsultan Otarbaı
Basty sózder: Boks, Reseı, Sport,
Joǵary qaraı