Aýa raıy
Astana -3 °S
Almaty 0 °S
valıýta baǵamy
USD 389.75
EUR 434.26
RUB 6.12
CNY 55.05

Bokstan álem chempıonaty: Abylaıhan Júsipov shırek fınalǵa shyqty

2019 jyldyń 16 qyrkúıek 2019 18:35

NUR-SULTAN. QazAqparat - Qazaqstandyq boksshy Abylaıhan Júsipov Reseıdiń Ekaterınbýrg qalasynda ótip jatqan álem chempıonatyn sátti bastady, dep habarlaıdy QazAqparat tilshisi.

Qazaqstandyq boksshy 69 keli salmaqta 1/8 fınaldyq saıysta taılandtyq Výttıchaı Masýkpen qolǵap túıistiredi. Qarsylasy buǵan deıin eki márte Azııa chempıony jáne 2015 jyly álem chempıonatynda qola júldeger atanǵan.

Abylaıhan qazirge deıin 2017 jyly Azııa chempıonatynda altyn alsa, sol jyly álem chempıonatynda qola júldege qol sozǵan bolatyn. Sondyqtan búgingi básekede ózin jaqsy qyrynan kórsetti. Tóreshiler biraýyzdan qazaqstandyq boksshynyń jeńisin moıyndady. Nátıjesinde ol qarsylasynan 5:0 esebimen basym túsip, shırek fınalǵa joldama aldy.

Búgin taǵy bir qazaqstandyq boksshy Tursynbaı Qulahmet sharshy alańǵa shyǵady. Keshki jekpe-jekter Nur-Sultan ýaqytymen 20.00-de bastalady. Ol AQSh boksshysy Haver Martınespen sheberlik baıqasady.

Buǵan deıinQazaqstan boksshylary qatarynan Qaırat Eralıev (57 keli) pen Bekzat Nurdáýletov (81 keli), Vasılıı Levıt (91 keli) jeńiske jetip, jarystyń 1/8 satysyna joldama aldy .

Bıylǵy álem chempıonatynda qazaqstandyq qurama sapynda segiz sańlaǵymyz synǵa túsýde. Olardyń qatarynda Sáken Bıbosynov (48 keli), Qaırat Erálıev (57 keli), Zakır Safıýllın (63 keli), Abylaıhan Júsipov (69 keli), Tursynbaı Qulahmet (75 keli), Bekzat Nurdáýletov (81 keli), Vasılıı Levıt (91 keli) jáne Qamshybek Qońqabaev (91 keliden joǵary) bar.


Avtor Ádiljan Úmbet
Basty sózder: Reseı, Boks,
Joǵary qaraı