Aýa raıy
Astana -3 °S
Almaty 1 °S
valıýta baǵamy
USD 389.75
EUR 434.26
RUB 6.12
CNY 55.05

Bokstan álem chempıonaty: Tursynbaı Qulahmet amerıkalyq boksshyny jeńdi

2019 jyldyń 16 qyrkúıek 2019 21:22

NUR-SULTAN. QazAqparat - Qazaqstandyq boksshy Tursynbaı Qulahmet Reseıdiń Ekaterınbýrg qalasynda ótip jatqan bokstan álem chempıonatynyń shırek fınalyna joldama aldy, dep habarlaıdy QazAqparat tilshisi.

Qazaqstandyq boksshy búgin AQSh-tan kelgen Haver Martınespen qolǵap túıistirgen edi. Jekpe-jek úsh raýndqa sozyldy. Tursynbaı qarsylasyn aıqyn basymdyqpen jeńdi. Tóreshilerdiń barlyǵy onyń jeńisine qoldaý bildirdi.

Esterińizge sala ketelik, Tursynbaı álem chempıonatynda ekinshi kezdesýin ótkizdi. Ol alǵashqy kezdesýinde chehııalyq Mılosh Bartldy qapy qaldyrdy.

Sondaı-aq, búgin álem chempıonatynda Abylaıhan Júsipov (69 keli) taılandtyq Výttıchaı Masýkty jeńdi. Nátıjesinde shırek fınalǵa joldama aldy.

Álem chempıonaty 9 qyrkúıekte bastaldy. Dúbirli doda 21 qyrkúıekte máresine jetedi.


Avtor Ádiljan Úmbet
Basty sózder: Sport, Boks,
Joǵary qaraı