Aýa raıy
Astana -1 °S
Almaty 6 °S
valıýta baǵamy
USD 389.98
EUR 434.01
RUB 6.10
CNY 55.04

«Bolashaq» baǵdarlamasy boıynsha 10 myńnan astam adam oqydy

2019 jyldyń 17 qyrkúıek 2019 14:36

NUR-SULTAN. QazAqparat - Qazaqstan táýelsizdik jyldarynda básekege qabiletti orta qalyptastyrý úshin kúrdeli joldan ótti. Bul týraly QR Tuńǵysh Prezıdenti-Elbasy qorynyń atqarýshy dırektory Áset Isekeshev elordada ótip jatqan Jahandyq ınnovatsııalyq sammıtte aıtty, dep habarlaıdy QazAqparat tilshisi.

«Qazaqstan táýelsizdiktiń 30 jylynda básekege qabiletti orta qalyptastyrý úshin kúrdeli joldan ótti. Táýelsizdik jyldary Tuńǵysh Prezıdent-Elbasynyń basshylyǵymen tabysty qurylymdyq reformalar júrgizildi. Sammıtke kelgen sheteldik qonaqtarǵa táýelsizdiktiń alǵashqy jyldarynda memleket jalaqy men zeınetaqy tóleı almaǵan kez bolǵanyn, Qazaqstan gıperınflıatsııaǵa, turaqty bıýdjet tapshylyǵyn aıtqym keledi. Jumyssyzdar sany eki mıllıon adamǵa jetti, 130 eń iri kásiporyn toqtap, JІÓ bir jyl ishinde 60% - ǵa tómendedi», - dep eske saldy Áset Isekeshev.

Sonymen qatar, JІÓ táýelsizdik jyldary 11 mlrd dollardan 170 mlrd dollarǵa deıin óskenin atap ótti.

«Ortalyq Azııadaǵy sheteldik ınvestıtsııalar kóleminiń 70% - ǵa jýyǵy Qazaqstanǵa tıesili. Elge 300 mlrd dollar tikeleı sheteldik ınvestıtsııa salyndy, bul barlyq iri damyǵan elderden ınvestorlardyń senimin kórsetti. El bıznesti júrgizý jeńildigi boıynsha 28-shi orynda, jahandyq básekege qabilettilik ındeksi boıynsha 59-shy orynda tur. Ómir súrý uzaqtyǵy 72,5 jasqa jetti. Qazaqstan adamı kapıtaldy damytýdyń ozyq baǵdarlamalaryn iske qosty. 90-shy jyldary Elbasy «Bolashaq» baǵdarlamasyn iske qosty. Keıin basqa da jobalar iske qosyldy, onyń ishinde «Nazarbaev Ýnıversıteti» de bar. «Bolashaq» baǵdarlamasy boıynsha úzdik sheteldik joǵary oqý oryndarynda 10 myńnan astam maman daıyndaldy», - dep tolyqtyrdy Áset Isekeshev.


Joǵary qaraı