Aýa raıy
Astana 12 °S
Almaty 17 °S
valıýta baǵamy
USD 389.59
EUR 429.06
RUB 6.05
CNY 55.07

Borysh júktemesin azaıtý: Konsýltatsııany qaıdan alýǵa bolady

2019 jyldyń 18 qyrkúıek 2019 14:05

NUR-SULTAN. QazAqparat - 2019 jylǵy 5 qyrkúıekten bastap QR Eńbek jáne halyqty áleýmettik qorǵaý mınıstrliginiń janynda jumys isteıtin «111» call-ortalyǵynyń qyzmetkerleri táýlik boıǵy rejimde qazaqstandyqtarǵa borysh júktemesin azaıtý máseleleri boıynsha 58,5 myńnan astam konsýltatsııa berdi, dep habarlaıdy QazAqparat.

«111» call-ortalyǵyna qońyraýlar elimizdiń barlyq óńirlerinen kelip túsýde. Kúnine orta eseppen 10 myńǵa jýyq qońyraýlar qabyldanady, olardyń 5 myńǵa jýyǵy borysh júktemesin azaıtýǵa arnalǵan. «111» jelisine júktemeniń kóbeıýine baılanysty, osy aktsııanyń áleýmettik mańyzdylyǵyn eskere otyryp, call-ortalyq basshylyǵy qosymsha resýrstardy tarta bastady. Sońǵy kúnderi jelide 50-den 60-qa deıin operator jumys isteýde», – dedi «111» call-ortalyǵynyń jetekshisi Aıash Makenova.

Call-ortalyǵy qyzmetkerleriniń aıtýynsha, azamattar borysh júktemesin azaıtý boıynsha baǵdarlamaǵa qatysýshylardyń tiziminde olardyń bolmaýyna, kredıttiń jalpy somasynan esepten shyǵarý somasyn naqtylaýǵa qatysty suraqtar jıi qoıylady.

«Ádette, birinshi kezekte bizdiń ortalyqtyń mamandary júgingen adamnyń mártebesin tekseredi. Onyń nátıjesi boıynsha tizimde joq azamattarǵa málimetterdi tsıfrlaý jumystaryn júrgizýdi usynamyz, sodan keıin málimetter tizimge engiziledi jáne odan ári jumys isteý úshin mınıstrlikke beriledi», – dep túsindirdi Mákenova.

Esterińizge sala keteıik, Qazaqstan Respýblıkasy Prezıdentiniń 2019 jylǵy 26 maýsymdaǵy Jarlyǵyna sáıkes, bankterde jáne mıkroqarjy uıymdarynda kepilsiz tutynýshylyq kredıtteri bar 5 sanattaǵy azamattar úshin memleket negizgi qaryzdy jáne eseptelgen syıaqyny jalpy somasy 300 myń teńgege deıin birjolǵy tólemmen óteıdi. Qaryzy 300 myń teńgeden asatyndarǵa 300 myń teńge kóleminde qaryzynyń bir bóligi óteledi. Bul rette, olardyń jalpy qaryzy aǵymdaǵy jylǵy 1 maýsymdaǵy jaǵdaı boıynsha 3 mıllıon teńgeden aspaýy tıis.

Búgingi kúni borysh júktemesiniń azaıýyna úmitker azamattar ózderiniń mártebesin kelesideı teksere alady:

- Qazaqstan Respýblıkasy Eńbek jáne halyqty áleýmettik qorǵaý mınıstrliginiń (budan ári – QR Eńbekmıni) resmı ınternet-resýrsy boıynsha, ol úshin JSN engizip, suraý jiberý qajet;

- Elektrondyq úkimet portalynyń basty betinde ornalasqan «borysh júktemesin azaıtý baǵdarlamasyna qatysý úshin mártebeni tekserý» elektrondyq servısiniń kómegimen, ol úshin ETsQ qajet bolady.

Konsýltatsııany «111» jáne «1411» call-ortalyqtarynda; halyqqa qyzmet kórsetý ortalyqtarynda; oblystardyń, Nur-Sultan, Almaty jáne Shymkent qalalarynyń jumyspen qamtýdy úılestirý jáne áleýmettik baǵdarlamalar basqarmalarynda; «Memlekettik áleýmettik saqtandyrý qory» AQ jáne onyń fılıaldarynda; oblystardyń, Nur-Sultan, Almaty jáne Shymkent qalalarynyń Eńbek, áleýmettik qorǵaý jáne kóshi-qon komıtetiniń óńirlik departamentterinde alýǵa bolady.


Joǵary qaraı