Aýa raıy
Astana 10 °S
Almaty 8 °S
valıýta baǵamy
USD 389.59
EUR 429.06
RUB 6.05
CNY 55.07

Brıýsselde Eýrokomıssııanyń jańa quramy tanystyryldy

2019 jyldyń 10 qyrkúıek 2019 18:31

BRıÝSSELЬ. QazAqparat – Eýropa komıssııasynyń bolashaq basshysy Ýrsýla fon der Lıaıen seısenbi kúni Brıýsselde komıssııanyń 2019-2024 jyldary jumys isteıtin jańa quramy men qurylymyn tanystyrdy, dep habarlaıdy QazAqparattyń menshikti tilshisi.

Jańa Eýrokomıssııada segiz vıtse-prezıdent, sonyń ishinde úsh atqarýshy vıtse-prezıdent bolady. Alda Eýropa parlamenti eýrokomıssar laýazymyna 26 úmitkerdi bekitýi tıis.

Eýroodaqtyń ekologııalyq saıasatyn júrgizetin atqarýshy vıtse-prezıdent retinde nıderland sotsıal-demokraty Frans Tımmermans usynyldy.

Lıberal-demokrattardyń ókili, danııalyq Margrete Vestager tsıfrlyq ekonomıka jáne báseke máseleleri jónindegi atqarýshy vıtse-prezıdent bolady.

Latvııalyq Valdıs Dombrovskıstiń kandıdatýrasy «adamdarǵa jumys isteıtin ekonomıka», qarjy qyzmetteri máseleleri jónindegi atqarýshy vıtse-prezıdent retinde usynyldy.
Ispan saıasatkeri Jozep Borrel EO-nyń Federıkı Mogerınıden keıingi syrtqy saıası qyzmetiniń basshysy bolmaq.
Jańa Eýrokomıssııa 1 qarashadan jumysyn bastaıdy. Eýrokomıssar bolýǵa úmitkerlerdiń tolyq tizimimen, olardyń ómirbaıanymen myna siltemeden tanysýǵa bolady.


Avtor: Tımýr Dúısekeev

Basty sózder: Eýropa, Álem,
Joǵary qaraı