Awa rayı
Nur-Sultan 21 °S
Almatı 17 °S
valyuta bağamı
USD 378.83
EUR 430.99
RUB 6.04
CNY 55.05

Bul saylaw burınğıdan özgerek - Kamal Älpeyіsova

2019 jıldıñ 25 mamır 2019 14:35 1253

NUR-SULTAN. QazAqparat - Bul saylaw burınğı saylawlardan özgerek. Іlespe awdarmaşı, Qazaqstan Jazwşılar odağınıñ müşesі Kamal Älpeyіsova osılay deydі.

«Şäkärіm babamızdıñ «Bul än burınğı ännen özgerek...» dep bastalatın tereñ fïlosofïyalıq öleñі bar. Oylap otırsam, kez kelgen qoğamda, sol qoğamda turatın kez kelgen adamnıñ basında burınğı jağdaydan özgerek jaylar boladı eken. Alısqa barmay-aq, keñestіk keñіstіkten şıqqan memleketterdі mısalğa alsaq, olardıñ özara ïıqtasa damığan uqsas tіrlіgіnde Qazaqstandı özgeşelendіrgen jaylar jetkіlіktі. Solardıñ eñ bastısı - el astanasın memlekettіñ geografïyalıq ortalığına köşіrwі. Öz kezegіnde bul - menіñ іlespe awdarmaşılıq käsіbï ömіrіmde basqa jïındardan el tarïxı turğısınan alğanda özgerek jïında awdarma jasawıma sebepşі boldı. 1997 jılı 14 jeltoqsanda Keñes Yuswpov ağa ekewmіz üş memlekettіñ: Qazaqstan, Qırğızstan, Özbekstan respwblïkalarınıñ sol kezdegі prezïdentterі qatısqan, Aqmola qalasın Qazaqstan Respwblïkasınıñ astanası dep jarïyalawğa arnalğan  saltanattı jïında іlespe awdarma jasadıq», - dep eske aladı Kamal Älpeyіsova.

Keyіnnen de osınday özgerek sïpatı bar bіrneşe jïın bolğan. Solardıñ bіrі - TMD, Azïya, musılman jäne türkі tіldі älemde ewrazïya keñіstіgіndegі asa bedeldі uyım - OBSE - Ewrazïyadağı qawіpsіzdіk jäne ıntımaqtastıq uyımınıñ Astana sammïtі. Kamal Älpeyіsova osı jïında da jumıs іstedі.

«Bul - Soltüstіk Atlantïka men ewrazïyalıq keñіstіktі bіrіktіretіn bіregey dïalog alañı dep tanılıp, qızmetі daw-janjaldardıñ aldın alw, damw dağdarısına uşırağan öñіrlerdі qalpına keltіrw, saylaw nawqanın jürgіzw, ekologïyalıq qawіpsіzdіk sïyaqtı asa mañızdı mäselelerdі rettewge bağıttalğan bіrden-bіr bedeldі uyımnıñ 11 jıl boyğı üzіlіsten keyіngі tarïxï jïını edі. Burın körşіles memleketter prezïdentterіnіñ sözderіn іlese awdardım dep qwanıp jürsem, endі Ewropa men Azïyanıñ memleket jäne ükіmet basşılarınıñ, sayasï köşbasşılarınıñ sözіn awdarw senіmіne ïe boldım. Sonda bіr bayqağanım, elіmіz atınan mіnbege köterіlgen tulğalardıñ bіrqatarı basım köpşіlіkke tüsіnіktі - ağılşın tіlіnde erkіn söylegenі. Munı bіzben pіkіrleskende basqa elderden kelgen BAQ ökіlderі de atap körsetkende іştey maqtanış sezіmі payda boldı.

«Qanşa tіl bіlseñ, sonşa ese baysıñ» deydі ğoy... Sonday baylıqtıñ keremet körіnіsіne bіzdіñ eldі basqalardan özgeşelendіrgen tağı bіr jïın Älemdіk jäne dästürlі dіn lïderlerіnіñ sezіnde kwä boldıq. Ol Elbasımız Nursultan Nazarbaevtıñ dіnï ekstremïzmnіñ aldın alwğa, älem xalqınıñ beybіt jäne layıqtı ömіr sürwі jolında ıntımaqtastıq, bіrlіk ïdeyaların taratw, örkenïet qundılıqtarın saqtaw üşіn dіnï köşbasşılardıñ bedelderі men älewetterіn tartwğa ündegen bastamasınan twındağan bolatın», - deydі іlespe awdarmaşı.

Ayta keteyіk, Ewropa, Azïya, Afrïka men Tayaw Şığıs elderіnen ïslam, xrïstïan, bwddïzm, ïwdaïzm, basqa da konfessïyalardıñ ökіlderі qatısqan I sezde іlespe awdarma jasawğa BUU-nıñ mamandarı tartıldı. Sol awdarmaşılardı tañ qaldırıp, moderator, Sezd Xatşılığınıñ basşısı Qasım-Jomart Toqaev sezdі 5 tіlde jürgіzіp otırğan.

«Qasım-Jomart Kemelulınıñ jalpı jïındı qazaq tіlіnde jürgіzіp, Anglïya şіrkewіnіñ ökіlі Nïkolas Beyns - Epïskop Kroydonağa söz bergende jäne pіkіr alısqanda ağılşınşa söylep, Bwddaşılardıñ jalpıqıtaylıq qawımdastığınıñ basşısı Czyamwyan Losanczyumey Twdancyueczïnïmağa qarata qıtayşa tіl qatıp, pravoslavïe  dіnіnіñ ökіlі - Almatı jäne Astana Mïtropolïtі  Mefodïyge orıs tіlіnde, Konstantïnopol pravoslavïe şіrkewіnіñ ökіlі, Francïya Mïtropolïtі Emmanwelge francwzşa söylegenіne qanşama bïіk deñgeylі jïında awdarma jasap jürgen ärіptesterіmіz süysіne qarap otırdı. Älі esіmde, üzіlіste ataqtı awdarmaşı, BUU-nıñ orıs tіlіne awdarma jasaw qızmetіnіñ basşısı bolğan N.N.Zaycev: «Sіzderde barlıq basşılar bіrneşe tіlde söyley me?» dep suradı menen. «Basım köbі söyleydі», - dedіm men. Säl asıra aytqanım ras. Bіraq Wïnston Çerçïlldіñ  «Qazaqtardıñ bärі sіzdey alıp pa?» - degen surağına «O ne degenіñіz, Çerçïll mırza, olay emes, men qazaqtardıñ іşіndegі eñ kіşkentayımın», - dep jawap beretіn Qanış Sätbaev  atamızdıñ sözі esіme tüsіp, el aldında jüretіn azamattar sonday bolsa eken armanımnıñ jetegіmen aytqanım da ras. Älemdegі eñ іrі tört dіnï bağıt pen basqa da konfessïyalardan Sezge kelgen delegattardıñ moderatorğa degen erekşe іltïpatı, arada bіrneşe jıl ötkende onıñ xalıqaralıq eñ bedeldі uyım BUU-nıñ basşılığına tağayındalğanı bіzdіñ topıraqta twğan azamattıñ dünïenіñ tört burışına qadіrlі ekendіgіn tanıta tüstі», - deydі Kamal Älpeyіsova.

Söz basındağı «özgerek» degen oyğa qayta oralsaq, bïılğı ötetіn saylaw nawqanı da özgerek bolayın dep tur. Qoğamnıñ är jіgіnen kandïdattarğa tіrkelwge mümkіndіk jasaldı.

«Prezïdenttіkke ümіtker retіnde äyel zatınıñ kandïdatwrası bolwınıñ özі ne turadı?! Qazіr ärqaysısınıñ saylawaldı ştabtarı qızw jumıs jürgіzwde. Mіne, osı sätte, qızıl sözge erіp, negіzsіz wädelerge senіp, qatelesіp ketpew abzal. «Ömіr» degen alıp muxïtta «Qazaqstan» attı kemenіñ barşa eldermen terezesі teñ bolıp, alısqa jüzwі üşіn aqılğa salıp, durıs tañdaw jasawımız kerek», - dep tüyіndedі sözіn Kamal Älpeyіsova.

 

 

Joğarı qaray