Aýa raıy
Astana 4 °S
Almaty 7 °S
valıýta baǵamy
USD 389.98
EUR 434.01
RUB 6.10
CNY 55.04

Býrabaıda «Meniń Otanym – Qazaqstan» respýblıkalyq sleti ótti

2019 jyldyń 20 qyrkúıek 2019 20:40

KÓKShETAÝ. QazAqparat - Býrabaıda 160 balanyń qatysýymen «Meniń Otanym – Qazaqstan» týrıstik-ekspedıtsııa otrıadtarynyń respýblıkalyq sleti ótti, dep habarlaıdy QazAqparat tilshisi.

Qotyrkóldegi «Zvezdnyı» balalardy saýyqtyrý ortalyǵyndaǵy ótken sharaǵa Aqmola oblysy ákiminiń orynbasary Aına Mysyrálimova, Respýblıkalyq qosymsha bilim berý oqý-ádistemelik ortalyǵynyń dırektory Raısa Sher, Aqmola oblystyq máslıhattyń depýtaty, QR balalar men jasóspirimder týrızm qaýymdastyǵynyń tóraǵasy Qaırat Sultanov jáne oblystyq balalar men jasóspirimder týrızmi, ólketaný jáne ekologııa ortalyǵynyń dırektory Arman Ómirzaqov qatysyp sóz sóıledi.

Sarapshylardyń sózinshe, búgingi kúni týrıstik-ólketaný jumysyna tartylǵandardyń sany 2,8 paıyzdy ǵana quraıdy. Týrıstik nysandardyń kópshiligi qorǵalatyn aımaqtarda ornalasqan. Sondyqtan, ár bala úshin 200 myń teńge tóleý qajet. Búgingi kúni bul másele sheshýdi qajet etedi. Slette salanyń damýyna kedergi keltiretin ózge de máseleler aıtyldy. Sharaǵa qatysýshylar ózderiniń ǵylymı jumystaryn usyndy. Qazir oblystyq deńgeıde týrıstik-ólketaný otrıadtary jumys isteıdi. Olar óńirdiń tarıhı oryndaryna baryp, zetteýde. Bul jastardyń boıynda patrıottyq sezimin oıatyp, otansúıgishtikke tárbıeleıdi.

«Eń bastysy materıaldyq-tehnıkalyq bazany nyǵaıtý kerek. Ekspedıtsııaǵa shyǵý úshin arnaıy qural-jabdyqtar qajet. Al, ol bizde jetkiliksiz. Qazirgi kezde, QR Bilim jáne ǵylym mınıstrligi tarapynan týrıstik-ólketaný ekspedıtsııasy úshin ereje jobasy ázirlenýde. Bul bizge qaýipsizdikti qamtamasyz etýge múmkindik beredi. Qazir kadr tapshy. Sondyqtan, mamandardyń biliktiligin kóterý jumystary qolǵa alynýda. Biz bul jumystardyń qarqyn alǵanyn qalaımyz», - deıdi Respýblıkalyq qosymsha bilim berý oqý-ádistemelik ortalyǵynyń dırektory Raısa Sher.

Aıta keteıik, beıresmı bilim berýdiń basty baǵyttarynyń biri – ol balalarǵa týrıstik-ólketaný jáne ekologııalyq-bıologııalyq qosymsha bilim berý bolyp tabylady. Aqmola oblysynda osy baǵytta 415 úıirme jumys isteıdi. Oǵan 7 myń bala tartylǵan.


Joǵary qaraı