Aýa raıy
Astana 19 °S
Almaty 26 °S
valıýta baǵamy
USD 384.87
EUR 432.52
RUB 6.11
CNY 55.95

Býrabaılyq fermerler memlekettiń qoldaýy arqasynda mal sharýashylyǵyn damytýda

2019 jyldyń 20 maýsym 2019 02:51 651

KÓKShETAÝ. QazAqparat - Aqmola oblysy Býrabaı aýdanyndaǵy fermerler memlekettiń qoldaýynyń arqasynda mal sharýashylyǵyn damytýda, dep habarlaıdy QazAqparat tilshisi.

«Aýyl sharýashylyǵyn qarjylaı qoldaý qory» AQ-nyń baspasóz qyzmeti uıymdastyrǵan baspasóz týry barysynda BAQ ókilderi sharýa qojalyqtardyń tynys-tirshiligimen tanysty.

Jýrnalıster áýeli Kenesary aýyldyq okrýginde ornalasqan «Omarov» jeke kásipkerliginiń jumysymen tanysty. Sharýashylyq basshysy Serik Omarovtyń aıtýynsha, 2017 jyly Aýyl sharýashylyǵyn qarjylaı qoldaý qory arqyly «Yrys» baǵdarlamasy boıynsha 21 mıllıon teńge jeńildetilgen nesıe alǵan. Bul qarjyǵa Pavlodar oblysynan 50 bas Sımmental tuqymdy sıyr, al, qalǵan 10 mıllıon teńgesine sıyr saýatyn apparat satyp alǵan. Osynyń arqasynda qazirgi kezde, táýligine 2 tonnaǵa jýyq sút óndirilýde.

«Jeńildetilgen nesıeleýdiń artyqshylyqtaryna sol kezde kózimiz jetti. Mólsherlemesi tómen, merzimi uzaq, kepildikke qoıylatyn talaptar yńǵaıly», - deıdi kásipker Serik Omarov.

Sharýashylyqta qazirgi kezde barlyǵy 350 bas saýyn sıyry bar. Saýylǵan sút ýchınskidegi «Aına» JShS, Kókshetaýdaǵy «Gormolzovod» pen «Natige» JShS, Zerendi aýdanyndaǵy «Milk Ptojekt» JShS sút óńdeıtin zaýyttaryna kezek kezekpen jetkizilip turady.

«Bul seriktestermen sút jetkizý jóninde bektitken kelisimsharttarymyz bar. Memlekettik qoldaýdyń arqasynda sharýashylyǵymyz óz deńgeıinde júrip keledi. Osynyń arqasynda  jyldan jylǵa sút óndirisi dep artyp keledi», - deıdi Serik Omarov.

Sharýashylyq basshysy munymen toqtap qalar emes, aldaǵy ýaqytta atalmysh baǵdarlamaǵa taǵy qatysyp, Eýropadan asyl tuqymdy iri qara ákelýdi de josparlap otyr.

Býrabaıǵa jaqyn tusta Qymyznaı aýyly ornalasqan. Bul aýyldyń da isker azamattary memlekettik baǵdarlamaǵa belsendi qatysyp, otbasylyq kásibin mol tabystyń kózine aınaldyrǵan. Sonyń biri, «Aıdyn» sharýa qojalyǵynyń basshysy Talǵat Táshikov. Kásipker «Sybaǵa» baǵdarlamasy arqyly alǵan jeńildetilgen nesıege shet elden asyl tuqymdy 53 bas sımmental sıyrlaryn satyp ákelgen.

«Bıyl Aýyl sharýashylyǵyn qarjylaı qoldaý qorynyń kómegi arqyly  40 mıllıon teńgege jýyq nesıe alǵan edim. Sol qarjyǵa Slovakııa elinen 53 bas iri qara jetkizdim de, qalǵanyna mal azyǵyn daıyndaıtyn tehnıka satyp aldym. Shyny kerek, qordan alǵan nesıeniń kómegi úlken boldy. Endi osy maldy aman-esen baǵyp, ósirý kerek. Oǵan múmkindigimiz jetkilikti», - deıdi sharýa qojalyǵynyń basshysy Talǵat Táshikov.

Qymyznaı aýyly ataýy aıtyp turǵandaı óńirge dámi til úıretin baldaı qymyzymen belgili. Bul aýyldyń qymyzyn jergilikti turǵyndardan bólek, sonaý Qyzylorda, Túrkistan oblystarynan da izdep keletin kórinedi. Qordan nesıe alǵan kásipker Altaı Qabdýlın osy ata kásipti damytyp otyr.

null

Іstiń jaıyn biletin kásipker mal jáne qus sharýashylyǵyn damytýǵa baǵyttalǵan «Igilik» baǵdarlamasy arqyly 6 mıllıon teńge nesıe rásimdep, bul qarjyǵa 18 jylqy satyp alǵan.

«Ózimniń bıelerimdi qosqanda qazir 36 bıe saýyp otyrmyz. Táýligine 120 lıtr qymyz daıyndaımyz. Qymyzǵa suranys joǵary. Elimizdiń ár óńirinen surap keletinder bar. Biz negizinen qymyzdy aldyn ala jasalǵan kelisim-shart boıynsha Býrabaıdaǵy eki densaýlyq saqtaý mekemesine jetkizip berip otyramyz. Qalǵanyn ǵana surap kelgen tutynýshylarymyzǵa satamyz. Suranys joǵary bolǵandyqtan aldaǵy ýaqytta bıe sanyn kóbeıtip, qymyz óndirisin arttyrý josparda bar», - deıdi aýyl kásipkeri Altaı Qabdýllın.



nullAıta keterligi,«Aýyl sharýashylyǵyn qarjylaı qoldaý qory» AQ aýyl kásipkerligin damytýǵa baǵyttalǵan birqatar nesıe ónimderin iske asyrady. Mysaly, «Sybaǵa» baǵdarlamasy etti baǵyttaǵy mal sharýashylyǵymen aınalysatyn sharýa qojalyqtaryn qoldaýǵa arnalǵan. Baǵdarlamanyń maqsaty - iri qara men usaq mal etin óndirý boıynsha saladaǵy otandyq eksporttyń áleýetin arttyrý. Jyldyq syıaqy stavkasy 4 paıyzdyq mólsherlememen 15 jylǵa 70 mıllıon teńgege deıin nesıe beriledi. Syıaqy men negizgi qaryzdy tóleý boıynsha 2 jylǵa deıingi jeńildetilgen merzim qarastyrylǵan.



null«Aýyl sharýashylyǵyn qarjylaı qoldaý qory» AQ Aqmola fılıaly dırektorynyń orynbasary Abzal Kenjeahmetovtyń aıtýynsha,  ótken jyly Aqmola oblysy boıynsha «Sybaǵa» baǵdarlamasy boıynsha 1 105 mıllıon teńge somanyń 24 nesıesi berilgen. Bul qarjyǵa 1 541 bas iri qara, tehnıkalar men mal azyǵy satyp alynǵan. Al, bıyl 625 bas iri qara satyp alý úshin sharýalarǵa 537 mıllıon teńge bolatyn 12 nesıe berilipti. Jyl sońyna deıin bul baǵytta 1 mıllıard teńgeden astam qarjy bólý josparlanýda.

«Aýyl sharýashylyǵyn qarjylaı qoldaý qory «Yrys» baǵdarlamasy boıynsha 2015 jyldan beri 50-100 basqa arnalǵan sútti-taýarly fermalardy damytýdy júzege asyryp keledi. Osy baǵyt boıynsha, oblysta jalpy quny 298 mıllıon teńge bolatyn 11 joba qarjylandyryldy. 803 bas sútti baǵyttaǵy sıyrlar satyp alyndy.

Sonymen qatar, «Eńbek» nátıjeli jumyspen qamtýdy jáne jappaı kásipkerlikti damytý baǵdarlamasy aıasynda shaǵyn nesıemen qamtamasyz etý úshin de ótinimder qabyldanýda. Jalpy, bıyl aýyl kásipkerlerin qoldaýǵa 1 mıllıard 838 mıllıon teńge baǵyttaý josparlanyp otyr», - dep atap ótti jýrnalısterge bergen suhbatynda Abzal Kenjeahmetov.

Joǵary qaraı