Aýa raıy
Astana 10 °S
Almaty 15 °S
valıýta baǵamy
USD 386.70
EUR 427.15
RUB 6.06
CNY 54.57

Burabike Fest festıvaline qatysýshylar sany rekordtyq deńgeıge jetti

2019 jyldyń 25 tamyz 2019 12:05

BÝRABAI. QazAqparat – Býrabaıda dástúrge aınalǵan VII «Burabike Fest-2019» sportty-mýzykalyq festıvali ótip jatyr, dep habarlaıdy QazAqparat tilshisi.




«Bıylǵy sharany ótkizý formatyn ózgerttik. Ondaǵy maqsat – shara qaıyrymdylyq bolǵandyqtan, ony tek velojarys dep shektemeı, aıasyn keńeıtip festıval dep ataýdy jón kórdik jáne ótkizý formatyn da ózgerttik. Birinshiden, festıval eki kúnge sozylady, ekinshiden velojarystan bólek qatysýshylarǵa kontserttik baǵdarlama men basqa sheberlik sabaqtary sekildi paıdaly is-sharalar uıymdastyrylady. Formatyn ózgertýdiń taǵy bir sebebi jyl sanap qatysýshylar sanynyń ósýi, byltyr 2500 adam qatyssa, bıyl rekodttyq kórsetkishke jetip qatysýshylar sany 4 myńǵa jýyqtady», - dedi B. Ótemuratov qorynyń dırektory Marat Aıtmaǵambetov.




Onyń aıtýynsha, atalǵan qaıyrymdylyq sharadan ótken jyly 205 mln teńge jınalyp, ol qarjy Merke (Jambyl oblysy), Tımırıazevo (Soltústik Qazaqstan oblysy), Panfılovo (Almaty oblysy), Alakól (Almaty oblysy), Aǵadyrdaǵy (Qaraǵandy oblysy) medıtsınalyq mekemelerge arnap medıtsınalyq jáne ońaltýshy jabdyqty satyp alý úshin baǵyttaldy.




«Bıylǵy qorǵa kelsek, festıval kesheden bastap ótip jatyr. Qorǵa festıval batalmaı turyp, 130 mln teńge kóleminde qarajat jınaldy. Odan bólek tústen keıin qaıyrymdylyq aýktsıon ótedi. Sondyqtan keshke qaraı shara aıasynda jınalǵan qarjy kólemi belgili bolady dep oılaımyn. Bıyl festıvaldan túsetin qarajat kólemi ótken jylǵa qaraǵanda joǵary bolady dep kútip otyrmyz. Árıne jınalǵan búkil qarjy qaıyrymdylyqqa baǵyttalady», - dedi ol.




Uıymdastyrýshylardyń aıtýynsha, «Burabike Fest-2019 festıvali aıasynda qaıyrymdylyq aýktsıony ótedi. Onda Qanat Islam jáne Gennadıı Golovkınnyń qolǵaby, Dmıtrıı Balandınniń júzý telpegi, Batyrhan Shúkenovtyń albomdar jınaǵy, Andreı Zvıagıntsevtyń qoltańbasy qoıylǵan «Istorııa sozdanııa fılma Elena» kitaby, Rafael Nadaldyń tennıs doby jáne taǵy da basqa kóptegen lottar qoıylady.








Perevod Álı Ibraev
Basty sózder: Sport, Aqmola oblysy,
Joǵary qaraı