Aýa raıy
Astana 19 °S
Almaty 26 °S
valıýta baǵamy
USD 384.87
EUR 432.52
RUB 6.11
CNY 55.95

Darıǵa Nazarbaeva ekologııalyq aıyppul túsimderi qaıda jumsalýy kerektigin aıtty

2019 jyldyń 19 maýsym 2019 20:30 1149

NUR-SULTAN. QazAqparat - Álemde Ekologııalyq aıyppul túsimderi 100 paıyz tabıǵat qorǵaý sharalaryna baǵyttalýy tıis. Bul týraly búgin QR Parlamenti Senatynyń tóraǵasy Darıǵa Nazarbaeva aıtty, dep habarlaıdy QazAqparat tilshisi.

Senattaǵy «Qazaqstandaǵy bıologııalyq alýantúrliliktiń saqtalýyn zańnamalyq qamtamasyz etýdiń ózekti máseleleri» atty Úkimet saǵatynda Darıǵa Nazarbaeva Úkimet saǵatyn qorytyndylaı kelip ormandardy túletý, ormandardy órtten jáne zańsyz kesýden qorǵaý máselelerine nazar aýdardy.

«Keıbir ákimdikter bul máselelerdiń mańyzyna 100 paıyz mán bermeı keledi, tótenshe qyzmetterdiń nusqaýlaryn oryndamaıdy. Máselen, Aqtóbe oblysyndaǵy «Yrǵyz Torǵaı» memlekettik tabıǵı rezervatynda birde-bir órt sóndirý avtotsısternasy joq. Qostanaı jáne Jambyl oblystaryndaǵy edáýir orman qory alańynda órtti baqylaıtyn birde-bir munara joq», - dedi D.Nazarbaeva.

Senat Tóraǵasy joǵaryda atalǵan ekologııalyq problemalardy sheshý úshin sandyq tehnologııalardy paıdalanýdy jáne elimizdegi bıoártúrliliktiń barlyq sıpattaryn esepke alýdy jáne jaǵdaıy boıynsha biryńǵaı sandyq tuǵyrnama qurý máselesin jedeldetýdi usyndy.

D.Nazarbaevanyń pikirinshe, ekologııalyq aıyppuldardan túsken qarajatty tabıǵatty qorǵaý sharalaryna baǵyttaý kerek. Búgingi kúni ekologııalyq aıyppuldardan alynǵan qarajatty jergilikti atqarýshy organdar óz qalaýynsha paıdalanyp keledi.

«Ekologııalyq aıyppuldardan jınalatyn qarajattyń 100 paıyzy tabıǵat qorǵaý sharalaryna baǵyttalýy tıis. Úkimet kıikterdiń aýrý sebepterin zertteý úshin 1,5 mıllıard teńge taba almaı otyr. Ekologııalyq aıyppuldar esebinen jınalatyn 100 mıllıard teńge bar bolǵan kezdegi jaǵdaı osy», - dedi Parlamenttiń joǵarǵy palatasynyń basshysy.

Senat tóraǵasy sondaı-aq EAEO elderi úshin birlesken ekologııalyq talaptardy ázirleýdi tapsyrdy.

«Bizde ońtústiktegi kórshilerimizben, Qytaımen, Ortalyq Azııadaǵy kórshilermen máseleler bar. ıAǵnı, bizdiń elimiz shekarasynyń syzyǵyndaǵy kórshilermen ekologııa turǵysynda sheshilmegen máseleler bar, óıtkeni zańdar da, erejeler men talaptar da ár túrli. Bul da nazar aýdaratyn negizgi másele», - dedi D. Nazarbaeva.

 

 

Avtor Marlan Jıembaı
Basty sózder: Ekologııa, Senat,
Joǵary qaraı