Aýa raıy
Astana 4 °S
Almaty 3 °S
valıýta baǵamy
USD 388.96
EUR 432.21
RUB 6.09
CNY 54.99

Dáýren Abaev: Arystaǵy oqıǵada halqymyz óziniń birligin kórsetti

2019 jyldyń 25 maýsym 2019 15:33

NUR-SULTAN. QazAqparat - Arys turǵyndaryna Qazaqstannyń túpkir-túpkirinen kómek berýge yqylas tanytyp jatqan azamattardyń sany artyp keledi. Búgin halyqpen eseptik kezdesýinde QR Aqparat jáne qoǵamdyq damý mınıstri Dáýren Abaev osylaı aıtty, dep habarlaıdy QazAqparat tilshisi.

«Arystaǵy aǵaıynmen biz de birge ekenimizdi aıtqym keledi. Keshegi qaıǵyly oqıǵada qaza bolǵan azamattardyń týǵan-týystary men jaqyndaryna qaıǵyryp kóńil aıtamyz. Jaraqat alǵan kisilerdiń tez saýyǵyp ketýin tileımiz. Biz taǵy da eldigimizdi tanyttyq, osyndaı tosyn oqıǵalarda bir judyryqtaı jumyla biletin birligimizdi kórsettik. Arystan ýaqytsha evakýatsııalanǵan aǵaıynǵa Qazaqstannyń túpkir-túpkirinen kómek berýge yqylas tanytyp jatqan azamattardyń da sany artyp jatyr», - dedi vedomstvo basshysy.

Osy oraıda, mınıstr keshe Memleket basshysy Qasym-Jomart Toqaev oqıǵa ornyna arnaıy baryp, halyqqa tıisti qoldaý men kómek kórsetiletinin aıtqanyn eske saldy.

«Kesheden beri «Arys, biz birgemiz» atty aktsııa uıymdastyrylyp jatyr. Biz de arystyqtarmen birgemiz. Aqparat jáne qoǵamdyq damý mınıstrliginiń qyzmetkerleri de zardap shekken qalaǵa kómek retinde bir kúndik jalaqymyzdy aýdaramyz. Bizdiń mınıstrlikke qarasty uıymdar da osyndaı qadam jasap jatyr eken. Bul bastamany qoldaımyz», - dedi Dáýren Abaev.

Joǵary qaraı