Aýa raıy
Astana -10 °S
Almaty -1 °S
valıýta baǵamy
USD 388.70
EUR 428.70
RUB 6.08
CNY 55.46

Dáýren Abaev mıtıng týraly: Qorqatyndaı eshteńe bolǵan joq

2019 jyldyń 13 maýsym 2019 21:47

NUR-SULTAN. QazAqparat - QR Aqparat jáne qoǵamdyq damý mınıstri Dáýren Abaev Almaty men Nur-Sultan kóshelerinde bolǵan mıtıngterdi qalypty jaǵdaı dep atady, dep habarlaıdy QazAqparat tilshisi.

«Habar arnasyndaǵy «Ashyq dıalog» baǵdarlamasynda Dáýren Abaev eldegi sherýlerdi qalyptan tys erekshe jaǵdaı dep qaramaýǵa shaqyrdy.

«Búgin ǵana bas prokýratýra men ishki ister mınıstrligi saılaý qarsańyndaǵy jaǵdaılarǵa qatysty tolyq málimet berdi. Alaıda men mynadaı másele týraly aıtqym keledi. Biz bárimiz saılaý degen qoǵamnyń barlyq qatparynyń saıası belsendiligin kórsetetin katalızator ekenin túsinýimiz kerek. Prezıdentti tańdaý arqyly adamdar óz bolashaǵyn tańdaıdy. Sondyqtan da olar saılaý nátıjesine beı-jaı qaraı almaıdy. Osy energııa kóbinese daýys berý nátıjesi jarııalanǵannan keıin emotsııalar týǵyzyp, pıketter men sherýge ulasyp jatady», -degen mınıstr mundaı jaıttar álemniń basqa da elderinde jıi bolatynyn atady.

«Reseıde de, Frantsııada da, Túrkııada da, AQSh-ta, Latyn Amerıkasy elderinde de ondaǵan myń adam kóshege shyǵyp, polıtsııamen qaqtyǵysyp jatady. Keıbir elderde onyń sońy tipti qıratýlarǵa deıin jetedi. Sondyqtan, Nur-Sultan men Almaty kóshelerinde birneshe júz adamnyń qatysýymen bolǵan demonstratsııalardy qalyptan tys tosyn dúnıe dep qarastyrmaý kerek. Bul qalypty jaǵdaı. Qorqatyndaı eshteńe bolǵan joq», - dedi ol.

Joǵary qaraı