Aýa raıy
Astana 1 °S
Almaty 0 °S
valıýta baǵamy
USD 388.81
EUR 429.01
RUB 6.08
CNY 55.49

Davıd Lorııa Arshavın jáne Kakamen birge UEFA-nyń magıstrlik baǵdarlamasy boıynsha bilim almaq

2019 jyldyń 17 qazan 2019 18:13

NUR-SULTAN. QazAqparat - Qazaqstandyq belgili qaqpashy Davıd Lorııa álemdik fýtbolda esimi tanymal juldyzdarmen birge UEFA magıstrlik baǵdarlamasy boıynsha bilim alatyn boldy, dep habarlaıdy QazAqparat tilshisi.

Baǵdarlama negizinde bilim alýshylar qatarynda Andreı Arshavın, Alekseı Smertın, Dıde Drogba, Kaka, Jýlıo Sezar, Rene Adler, Floran Malýda, Jeremı Njıtap syndy juldyzdar bar. Endigi kezekte bul juldyzdar fýtbol salasynda óz isterin jalǵastyrýǵa osylaısha alǵashqy qadam jasap otyr.

Davıd Lorııa 1981 jyly 31 qazanda dúnıege kelgen. Óziniń sporttyq karerasynda ol qazaqstandyq «Jeńis» («Astana-1964»), «Esil» («Oqjetpes», ), «Shahter», «Lokomotıv» («Astana»), «Ertis», «Qaırat», «Ordabasy», shvetsııalyq «Halmstad», reseılik «Spartak-Nalchık», túrkııalyq «Rızespor», «Karshııaka» klýbtarynyń qaqpasyn qorǵady. Sporttyq karerasyn bıyl Kókshetaýdyń «Oqjetpes» komandasynda aıaqtady. Qazaqstan ulttyq quramasy sapynda 2000-2017 jyldar aralyǵynda 45 oıyn ótkizdi.

Aıta keterligi, UEFA magıstrlik baǵdarlamasy arqyly juldyzdar fýtbol salasy boıynsha ákimshilik jumystar negizinde fýtboldy damytýǵa kúsh jumsaıtyn bolady. Fýtbol juldyzdary 20 aıǵa jýyq osy baǵytta bilimi men biliktiligin tolyqtyra túsedi.

Avtor Ádiljan Úmbet
Basty sózder: Qoǵam, Sport,
Joǵary qaraı