Aýa raıy
Astana 32 °S
Almaty 35 °S
valıýta baǵamy
USD 384.87
EUR 432.52
RUB 6.11
CNY 55.95

Disney-diń taǵy bir mýltfılmi qazaq tilinde sóıledi

2019 jyldyń 19 maýsym 2019 22:36 1256

NUR-SULTAN. QazAqparat - Búgin elordada «Oıynshyqtar hıkaıasy -4» mýltfılminiń qazaq tilindegi nusqasynyń tusaýkeseri ótti, dep habarlaıdy QazAqparat tilshisi.

«Oıynshyqtar hıkaıasy-4» mýltfılmi qazaq tiline aýdarylǵan bizdiń 30-shy týyndymyz. Ony dýblıajdaý úshin Nur-Sultan jáne Almaty qalalarynda 50-den astam akter kastıngten ótti. Al fılm barysyndaǵy saýndtrekterdiń barlyǵyn ánshi Danııar Ótegen oryndady.

Taǵy bir aıtyp ótetin jaıt, bul mýltfılmniń 4-shi bólimi jáne buǵan deıingi bólimderi qazaq tiline aýdarylǵan emes. ıAǵnı, ana tilimizde alǵash ret jaryq kórip otyr. Sondaı-aq, Gollıvýdtyń Tom Krýz, Kıaný Rıvz, Tom Henks sekildi tanymal kıno juldyzdary alǵash ret qazaq tilinde sóıleıdi», - dedi «Bolashaq» korporatıvtik qory qamqorshylyq keńesiniń tóraıymy Dınara Shaıjúnisova.

Onyń aıtýynsha, sheteldik bir týyndyny qazaq tiline aýdaryp ony kórermenge jetkizgenge deıingi jumys protsesine 3 aı ýaqyt jumsalady.

«Qazaq tilindegi mýltfılmniń negizgi kórermenderi Nur-Sultan men Almaty qalasynyń turǵyndary. Odan keıin Shymkent pen Aqtaýda suranys joǵary. Osy oraıdy biz ótken jyly kınomatografııa týraly zań ázirlengen kezde Qazaqstannyń barlyq óńirlerinde qoljetimdi bolýyn zańmen retteý kerektigi jóninde usynys bildirdik», - deıdi ol.

Odan bólek, D. Shaıjúnisova Walt Disney Pictures stýdııasynyń daýys bazasyna 100-den astam qazaqstandyq akterdiń engenin tilge tıek etti.

 «Oıynshyqtar hıkaıasy - 4» mýltfılmi erteńnen bastap qalyń kórermenge jol tartady.

 

 

Avtor Dáýlet Іztileý
Basty sózder: Mádenıet, Nur-Sultan,
Joǵary qaraı