Aýa raıy
Astana -8 °S
Almaty 13 °S
valıýta baǵamy
USD 389.98
EUR 434.01
RUB 6.10
CNY 55.04

Dorıan daýyly Bagam turǵyndaryn úısiz qaldyrdy

2019 jyldyń 11 qyrkúıek 2019 19:12

NUR-SULTAN. QazAqparat – Dorıan daýylynan keıin Bagam turǵyndarynyń 17 %-y úısiz qaldy, dep habarlaıdy CNN.

Bul 70 myńǵa jýyq adamnyń úısiz, kúısiz, kóliksiz, bylaısha aıtqanda, túksiz qalǵanyn bildiredi.

Turǵyndardyń habarlaýynsha, Dorıan daýylynyń tynyshtalǵanyna 9 kún bolsa da, olar jaryqsyz, aýyz sýsyz otyr. Kómekke muqtaj.

Bagam araldarynyń premer-mınıstri Hıýbert Mınnıs qıraǵan araldardy qalpyna keltirý úshin qansha ýaqyt ketetinin naqty aıta almady, degenmen, qurylys jumystary bastalǵan soń, turǵyndardyń qaıta oralýlaryna bolatynyn aıtty.

Bagam turǵyndary apattan keıin turatyn jer tappaı qınalýda. El astanasy Nassaý qalasyndaǵy qutqarý turǵyn jaılarynda bos oryn qalmaǵan.

Al AQSh vızasyz, tıisti qujattarsyz eshkimdi qabyldamaıdy. Grand-Bagamnan Florıdaǵa bet alǵan 119 adam jeksenbi kúni qaıyqty tastap, keri qaıtýǵa májbúr boldy. Óıtkeni, olardyń qujaty tolyq bolmaǵan.

Aıta keteıik, Dorıan daýylynan keıin Bagam araldarynda kóz jumǵandar sany 50-ge jetti. Onyń 42-si Abako aralynan, 8 adamnyń denesi Grand-Bagamnan tabylǵan. Al iz-tússiz joǵalǵandar sany áli belgisiz.

USAID ákimgeri Mark Grın Bagam araldaryn «ıadrolyq bombadan keıin túgi qalmaǵan aımaq sııaqty» degen teńeý aıtty.

Abako aralynan qutqarylǵan 5 myńǵa jýyq adam qaýipti aımaqtarda ómir súrýde. Olar qıraǵan úılerdi mekendeýge májbúr.

Bir ǵana Marsh-Harbor qalasynda 1100 ǵımarattyń tas talqany shyqqan, spýtnık arqyly túsirilgen sýretter oǵan dálel bola alady.


Avtor Aıkúmis Bolatbek
Basty sózder: Álem,
Joǵary qaraı