Aýa raıy
Astana 1 °S
Almaty 6 °S
valıýta baǵamy
USD 388.70
EUR 428.70
RUB 6.08
CNY 55.46

Djentlmender klýby Arysta zardap shekkenderge 10 mln teńge aýdardy

2019 jyldyń 25 maýsym 2019 14:42

NUR-SULTAN. QazAqparat - Qazaqstannyń Djentlmender klýby belgili kásipker Oralbek Botbaıdyń qoldaýymen Arys turǵyndaryna 10 mln teńge aýdardy, dep habarlaıdy QazAqparat.

«Qazaqstannyń Djentlmender klýby belgili kásipker, óz eliniń naǵyz patrıoty, úlgili djentelmen Oralbek Botbaıdyń qoldaýymen Arystaǵy otbasylardyń qajettiligi úshin 10 mln teńge aýdarady. Qazaqtar eshqashan birin-biri qıyn kezeńde tastap ketken emes. Bizdiń osynaý kóp ǵasyrlyq izgi dástúrimiz HHІ ǵasyrda da jalǵasyn tapty», - dep jazdy klýb kóshbasshysy Arman Qashqynbekov facebook paraqshasynda.

Eske sala ketsek, Qazaqstannyń Djentlmender klýby buǵan deıin de muqtaj otbasylarǵa kómek kórsetip keledi. Buǵan deıin klýb músheleri óskemendik 7 balaly otbasyǵa úı alatyn aqsha bergen bolatyn.

«Osynaý bastama kóptiń nazaryna ilige bastady. Bastamaǵa bizdiń bıznesmen dosymyz Oralbek Botpaı da qoldaý kórsetetinin jetkizdi. Osylaısha, bıznesmenniń qoldaýymen búgin «Qazaqstan barysy-2019» týrnıriniń qorytyndysynda kópbalaly otbasyǵa bir úıdiń qarajaty tabystaldy. ıAǵnı, óskemendik otbasyǵa jasalǵan qoldaý - Djentelmender klýbynyń baspana syılaý boıynsha ekinshi jobasy. Óskemendegi 7 balaly otbasynyń otaǵasy ǵana jumys isteıdi. Aıadaı bólmeni jaldap turyp jatqan otbasyǵa osylaısha úı alyp berýdi sheshtik», - degen edi klýb kóshbasshysy.

Avtor Aıan Bekenuly
Basty sózder: Jaqsylyq jasa, Arys,
Joǵary qaraı