Aýa raıy
Astana 20 °S
Almaty 20 °S
valıýta baǵamy
USD 385.42
EUR 424.58
RUB 6.00
CNY 54.31

Dzıýdo: Eldos Smetov álem chempıonatynyń qola júldegeri atandy

2019 jyldyń 25 tamyz 2019 18:48

NUR-SULTAN. QazAqparat – Qazaqstandyq Eldos Smetov Tokıoda ótip jatqan álem chempıonatynyń qola júldegeri atandy, dep habarlaıdy QazAqparat tilshisi.

Eldos Smetov 60 kg salmaqta qola júlde úshin básekede taǵy bir qazaqstandyq Ǵusman Qyrǵyzbaevpen beldesip, jeńiske jetti.

Eldos shırek fınalǵa deıin Saod Alamırıdi (Kýveıt), Elıos Manzıdi (Italııa), Alı Hoýsrovty (Iemen) ońaı jeńdi. Áıtse de shırek fınalda japonııalyq Rıýdzıý Nagaıamaǵa ese jiberdi. Sodan keıin jubanysh beldesýinde taıpeılik ıAng ıÝng Ýeıdi taza utty.

Taǵy bir jubanysh fınalynda R.Nagaıama óziniń ataqty otandasy, álem chempıony Naoısa Takatony utyp ketti.

Ǵ.Qyrǵyzbaev jartylaı fınalda ózbekstandyq Sharafýtdın Lýtfýllaevpen beldesýde ıpponǵa túsip qaldy. Degenmen onyń álem chempıonatynda besinshi oryn alýyn tym-táýir jetistik deýge bolady.

Jarystyń alǵashqy kúni áıelder arasynda 48 kg salmaqta Otgontsetseg Galbadrah synǵa tústi. Ol jubanysh beldesýinde ıspanııalyq Martınez Abebelenda Laýradan utylyp, jetinshi orynmen shekteldi.

147 elden 900-ge jýyq dzıýdoshy qatysyp jatqan álem chempıonaty 1 qyrkúıekke deıin jalǵasady.

Avtor Eljan Eraly
Basty sózder: Qoǵam, Sport,
Joǵary qaraı