Aýa raıy
Astana 32 °S
Almaty 35 °S
valıýta baǵamy
USD 384.87
EUR 432.52
RUB 6.11
CNY 55.95

Elbasy Arystaǵy jaǵdaıǵa alańdaýshylyq bildirdi

2019 jyldyń 25 maýsym 2019 18:00 857

NUR-SULTAN. QazAqparat - Elbasy Nursultan Nazarbaev Arys turǵyndarynyń taǵdyryna alańdaýly ekenin bildirdi. Bul týraly QR Tuńǵysh Prezıdentiniń baspasóz hatshysy Aıdos Úkibaı málim etti, dep habarlaıdy QazAqparat.

«Búgingi kúnderi barlyq qazaqstandyqtar Arys qalasynyń turǵyndarynyń qaıǵysyn qaq bólisip, alańdaýda. Nursultan Nazarbaev tóten jaǵdaıdyń saldarynan zardap shekken Arys turǵyndarynyń taǵdyryna alańdap otyr», - dep jazdy QR Tuńǵysh Prezıdentiniń baspasóz hatshysy Aıdos Úkibaı twitter paraqshasynda.

Eske sala ketsek, Arys qalasyndaǵy áskerı bólimniń qoımasynda 24 maýsym kúni tańerteń jarylys boldy. Apat saldarynan eki adam mert boldy.

Túrkistan oblysyna arnaıy barǵan Qazaqstan Prezıdenti Qasym-Jomart Toqaev Arystaǵy áskerı bólimshedegi oq-dári qoımasyndaǵy jarylystan zardap shekken qala turǵyndarymen kezdesip, qalanyń qalpyna keltiriletinine ýáde berdi.

Búgingi Úkimet otyrysynda Premer-Mınıstr Asqar Mamın jarylys saldarynan kóz jumǵandardyń týǵan-týystaryna kóńil aıtyp, turǵyndarǵa barlyq kómek kórsetiletindigine ýáde berdi.

Jalpy keshegi alasapyran kezde myńdaǵan ata-ana balarynan kóz jazyp qalǵan bolatyn. Qazirgi ýaqytta olardyń barlyǵy da balalarymen qaýyshty, barlyǵy din-aman.

 

 

 

 

Joǵary qaraı