Aýa raıy
Astana 7 °S
Almaty 8 °S
valıýta baǵamy
USD 389.59
EUR 429.06
RUB 6.05
CNY 55.07

Elbasy elordadaǵy «jasyl beldeýdiń» damý barysymen tanysty

2019 jyldyń 18 qyrkúıek 2019 20:10

NUR-SULTAN. QazAqparat - Elbasy Nursultan Nazarbaev elordadaǵy «jasyl beldeýdiń» damý barysymen tanysty, dep habarlaıdy Elbasy.kz.

Kezdesý barysynda Qazaqstannyń Tuńǵysh Prezıdenti ekologııa, geologııa jáne tabıǵı resýrstar vıtse-mınıstri Erlan Nysanbaevtyń, Nur-Sultan qalasynyń ákimi Altaı Kólginovtiń jáne Aqmola oblysynyń ákimi Ermek Marjyqpaevtyń aqparatyn tyńdady.

– Sizdiń tapsyrmańyzǵa sáıkes 1997 jyldan bastap biz «jasyl beldeý» qurý jumystaryn júrgizip kelemiz. Búginde onyń aýdany 87 myń gektardan asady. Bıyl otyrǵyzý aýmaǵy 4,6 myń gektardy qurady. 2022 jylǵa deıin biz jalpy jasyl jelektiń aýmaǵyn 100 myń gektarǵa jetkizemiz», – dedi ekologııa, geologııa jáne tabıǵı resýrstar vıtse-mınıstri.

Sonymen qatar, Elbasyna agrotehnıkalyq is-sharalardyń nátıjesinde alynǵan málimetterdi jınaý jáne taldaý úderisterin tsıfrlandyrý boıynsha josparlanǵan sharalar týraly aqparat berildi.





Sondaı-aq, Qazaqstannyń Tuńǵysh Prezıdentine elordany kógaldandyrý nátıjeleri jáne «jasyl beldeýdi» Býrabaı orman alqabymen qosý boıynsha qabyldanǵan sharalar týraly baıandaldy.

Usynylǵan baıandamalardy nazarǵa ala otyryp, Nursultan Nazarbaev elorda tóńireginde «jasyl beldeý» qurý tájirıbesin elimizdiń ózge óńirlerinde qoldanýdyń mańyzyn atap ótti.





Joǵary qaraı