Aýa raıy
Astana 9 °S
Almaty 4 °S
valıýta baǵamy
USD 389.59
EUR 429.06
RUB 6.05
CNY 55.07

Elbasy tapsyrmasy: «NurOtan» Qostanaıdaǵy qurylys nysandaryna qatysty talapty kúsheıtpek

2019 jyldyń 12 qyrkúıek 2019 02:49

QOSTANAI. QazAqparat – «NurOtan» partııasy Qostanaı oblystyq fılıalynda partııalyq baqylaý komıssııasynyń otyrysy ótti, dep habarlaıdy QazAqparat.

Partııanyń baspasóz qyzmetine taratqan aqparatqa súıensek, jıynda Memleket basshysynyń Joldaýy boıynsha qoǵamdyq baqylaýdy ornatý keńinen sóz boldy. Oblystyq baqylaý komıssııanyń tóraǵasy Mıhaıl Dáýenovtyń aıtýynsha, partııalyq baqylaýdy kúsheıtip, memlekettik baǵdarlamalardyń negizgi tetikterin túsindirý jumystary qolǵa alynbaq.

«NurOtan» partııasynyń ekonomıkany damytýda, azamattardyń ál-aýqatyn arttyrýda, barlyq sanattaǵy halyqtyń jaǵdaıyn jaqsartýdaǵy rólin aıqyn baıqaýǵa bolady. Barlyq kúsh-jigerdi Memleket basshysy aıqyndaǵan maqsattarǵa jumsaýymyz kerek. Sol sebepti, naqty josparlar bekitiledi», - dedi Mıhaıl Dáýenov.

Jıyn barysynda «Qutty meken» partııalyq jobasy sheńberinde memlekettik baǵdarlamalarmen salynyp jatqan qurylys nysandaryna qatysty talapty odan ári qatańdatý kerektigi aıtyldy.

«Elbasy, partııa tóraǵasy Nursultan Nazarbaev saıası keńeste partııalyq baqylaýdy kúsheıtý kerektigin tapsyrdy. Partııalyq baqylaý komıssııanyń quramyna kiretin qalalyq jáne oblystyq máslıhat depýtattary tarapynan jańadan salynyp jatqan qurylys nysandaryna qatysty monıtorıng pen baqylaý sharalary odan ári júıelene túsedi», – deıdi partııalyq baqylaý ınspektory Baýyrjan Sabyrjan.

Májiliske qatysýshylar partııa múshesiniń ádep kodeksin saqtaýy, qoǵamdaǵy jemqorlyqqa qatysty «nóldik tózimdilikti» tanytý, jemqorlyqqa qarsy ımmýnıtetti qalyptastyrý jaıyn talqylady.

Aldaǵy ýaqytta jemqorlyqtyń aldyn-alýǵa baǵyttalǵan is-sharalar kóptep ótkizilmek. Mektep oqýshylary men stýdentter de nazardan tys qalmaıdy.

Joǵary qaraı