Awa rayı
Nur-Sultan 27 °S
Almatı 30 °S
valyuta bağamı
USD 378.38
EUR 431.05
RUB 6.02
CNY 55.00

Elbasınıñ qurmettі törağa atanwına oray türіk basılımdarı ne jazıp jatır

2019 jıldıñ 25 mamır 2019 15:49 1330

NUR-SULTAN. QazAqparat - Nursultan Nazarbaevtıñ köşbasşılığımen Qazaqstan älewmettіk, mädenï jäne ekonomïkalıq turğıdan damıdı, beybіtşіlіk jäne kelіsіm prïncïpterіne negіzdele otırıp, körşіles eldermen baylanıstarın nığayttı, sonday-aq, xalıqaralıq arenadağı salmağın arttıra tüstі. Bul twralı türіktіñ tanımal BAQ ökіlderі jazdı, dep xabarlaydı QazAqparat. 

Eske sala keteyіk, keşe Elbası Nursultan Nazarbaev Türkі keñesіnіñ qurmettі törağası atanğan bolatın. Türkïya Respwblïkasınıñ Prezïdentі Rejep Tayïp Erdoğannıñ usınwımen jäne Türkі keñesіne müşe elderdіñ maquldawımen Qazaqstannıñ Tuñğış Prezïdentі Nursultan Nazarbaevqa Türkі keñesіnіñ ömіr boyğı qurmettі törağası märtebesі berіldі. Bul twralı Türkïya Respwblïkasınıñ Sırtqı іster mïnïstrі Mevlyut Çavwşoglw 24 mamır küngі Elbasımen kezdeswіnde mälіmdedі. M. Çavwşoglw Aqsaqal, Elbası Nursultan Nazarbaevtıñ qazaq xalqınıñ ïgіlіgі jolındağı köregendіgіn ärqaşan joğarı bağalağanın ayta otırıp, «Türkïya men Qazaqstan arasındağı baylanıstardı damıtwdağı köşbasşılığı, eñbegі men köregendіgі üşіn özіne tağı da ülken alğıs bіldіremіz» dedі.

Anadolw agenttіgіnіñ jazwınşa, Nazarbaevtıñ köşbasşılığımen Qazaqstan älewmettіk, mädenï jäne ekonomïkalıq turğıdan damıdı, beybіtşіlіk jäne kelіsіm prïncïpterіne negіzdele otırıp, körşіles eldermen baylanıstarın nığayttı, sonday-aq, xalıqaralıq arenadağı salmağın arttıra tüstі. Yadrolıq qarwdan bas tartw, AÖSŞK-n qurw, BUU Qawіpsіzdіk Keñesі müşelіgі sïyaqtı bastamalarımen közge tüsken Qazaqstan bügіnde Ewrazïya keñіstіgіnіñ mañızdı oyınşısına jäne xalıqaralıq qawımdastıqtıñ bedelі joğarı müşesіne aynalğan.

Jañalıqtı Türkïyanıñ bіrqatar gazetterі men aqparattıq portaldarı jarïyaladı. Atap aytqanda, türіk basılımdarı N. Nazarbaevtıñ Qazaqstannıñ ğana emes, Türkі älemіnіñ lïderі ekenіn, onıñ küllі türkі jurtın bіrlestіrw jolında mañızdı qadamdar jasağanın jazwda. Olar Türkі älemіnіñ Aqsaqalı atanıp ketken N. Nazarbaevtıñ Türkі keñesіnіñ dem berwşіsі jäne 1992 jıldan berі ötkіzіlgen 15 Türkі memleket basşıları sammïtіnіñ barlığına mültіksіz qatısqan jalğız köşbasşı ekendіgіne nazar awdardı. Nazarbaevtıñ «Ulı dalanıñ jetі qırı» bağdarlamalıq maqalasın jarïyalawı men qazaq tіlіn latın älіpbïіne köşіrw twralı şeşіmіnіñ Türkі älemіn odan sayın jaqındastırwğa bağıttalğan strategïyalıq qadamdar ekendіgіnіñ astı sızılwda.

Öz kezegіnde, Türkïyanıñ belgіlі sarapşıları da jañalıqqa qatıstı pіkіrlerіn bіldіrwde. Mäselen, sayasattanwşı, professor K. Zorlw men Ewrazïya jazwşılar odağınıñ basşısı Ya. Omeroglw Nursultan Nazarbaevqa qurmettі törağa atağınıñ berіlwіne baylanıstı qwanıştarın bölіsіp, Türkі keñesі men Türkі älemіnіñ osı qadamnan keyіn küşeye tüskenіne jäne jawapkerşіlіgіnіñ arta tüskenіne nazar awdardı.

 

 

Joğarı qaray