Aýa raıy
Astana 19 °S
Almaty 19 °S
valıýta baǵamy
USD 386.70
EUR 427.15
RUB 6.06
CNY 54.57

Elimizde 35 myń adam kómir ónerkásibi salasynda qyzmet etedi

2019 jyldyń 21 tamyz 2019 20:26

NUR-SULTAN. QazAqparat - QR Indýstrııa jáne ınfraqurylymdyq damý mınıstriniń orynbasary kómir ónerkásibi qyzmetkerlerin kásibı merekelerimen quttyqtady, dep habarlaıdy QazAqparat.


Jyl saıyn tamyzdyń sońǵy jeksenbisine keletin Shahterler kúnin elorda jurty da atap ótti. Kásibı merekege oraı uıymdastyrylǵan saltanatty jıyn aldynda qatysýshylar jumys barysynda qaza tapqan shahterlerdi bir mınýt únsizdikpen eske aldy.

QR Indýstrııa jáne ınfraqurylymdyq damý mınıstriniń orynbasary Tımýr Toqtabaev shahterlerdi quttyqtap, Qazaqstannyń kendi óńirlerinde eńbektenip jatqan 19 kásiporynnyń qyzmetkerlerine «Shahter dańqy», «Eńbek dańqy», «Kenshi dańqy», «Kómir ónerkásibiniń qurmetti qyzmetkeri» tósbelgilerin tabys etti.

«Elimizdiń kómir óndirisi kesheni damyp, básekege qabilettiligi artyp keledi. Kenshilerdiń eńbek qaýipsizdigin qamtamasyz etý úshin kóptegen jumystar atqarylýda. Keleshekte de aldyńǵy býynnyń tájirıbesine súıene otyryp, alda turǵan mindetterdi tabysty atqaratyndaryńyzǵa senemin», - dedi Tımýr Toqtabaev.




Onyń aıtýynsha, kómir salasy elektr energııasy óndirisiniń 70 paıyzyn, koks-hımııa óndirisiniń 100 paıyzyn qamtamasyz etedi. Kommýnaldyq-turmystyq sektor men halyqtyń otynǵa degen qajettiligin tolyq qanaǵattandyrady. Kómir ónerkásibi qyzmetkerleriniń sany shamamen 35 myń adamdy quraıdy.

Kásibı merekege oraı Qazaqstan boıynsha 62 marapattalǵan. Olardyń ishinde «Kómir ónerkásibiniń qurmetti qyzmetkeri» ataǵyn «Maıkýben Vest» JShS bas mehanıgi Marat Qýatuly Kırmandaev ıelense, «Shubarkól Kómir» AQ tehnıkalyq bóliminiń bastyǵy Vladımır Nıkolaevıch Kosıtsın «Shahter dańqy» ataǵynıelendi. Al «Eńbek Dańqy» marapaty «Bogatyr Komır» JShS-niń oqý-kýrstyq kombınaty bastyǵynyń orynbasary Elena Mıhaılovna Kýznetsovaǵa berildi.
















Táýelsizdik jyldary Qazaqstannyń kómir óndirýshi kásiporyndary 2,6 mlrd. tonnadan astam kómir óndirgen. Onyń 0,8 mlrd tonnaǵa jýyǵy eksporttaldy. Kómir qory boıynsha Qazaqstan álemdegi on eldiń qataryna kiredi. Barlanǵan kómir qorynyń 90% astamy Qazaqstannyń soltústik-shyǵys jáne ortalyq bóliginde shoǵyrlanǵan.




Joǵary qaraı