Aýa raıy
Astana -8 °S
Almaty -3 °S
valıýta baǵamy
USD 389.34
EUR 428.78
RUB 6.05
CNY 55.45

Elimizde júrgizýshi kýáligin alý jeńildeıdi

2019 jyldyń 19 tamyz 2019 12:30

NUR-SULTAN. QazAqparat – Júrgizýshi kýáligin alatyn kólik ıeleri úshin medıtsınalyq tekseristen ótý reti jeńildeıdi, dep habarlaıdy QazAqparat «Azamattarǵa arnalǵan úkimettiń» baspasóz qyzmetine silteme jasap.

«Azamattarǵa arnalǵan úkimet» kólik júrgizýge ruqsat beretin qujatty alý úshin talap etiletin 083 úlgisindegi medıtsınalyq anyqtamaǵa ózgerister engen.

«Budan bylaı júrgizýshi kýáligin rásimdeý barysyndaǵy medıtsınalyq komıssııa quramy 7 dárigerden 4-ke deıin qysqardy. Endi terapevt, okýlıst, otorınolarıngolog, psıhıatr-narkolog dárigerleriniń tekserisinen ótý jetkilikti. Sondaı-aq qan, dáret taldamasy, flıýrografııa, psıhoaktıvti zattardy qabyldaý boıynsha zerthanalyq analızderdi tapsyrý qajet emes», - delingen taratylǵan habarlamada.

Medıtsınalyq tekseris barysynda terapevt dáriger qandaıda aýrýlardyń bar/joǵyn «Dıspanserli naýqastardyń elektrondy tizilimi» aqparattyq júıesi, al psıhıatrııalyq nemese narkologııalyq dıspanserlerdiń esebinde turmaýy jónidegi aqparatty málimetter bazasy arqyly, sondaı-aq dıspanserlerdiń anyqtamasy negizinde teksere alady.

Aıta keteıik, búginde júrgizýshi kýáligin alý úshin medıtsınalyq anyqtama úsh jaǵdaıda talap etiledi:

Júrgizýshi kýáligin birinshi ret rásimdeý barysynda;

Júrgizýshi kýáliginiń merzimi ótip ketkende;

Júrgizýshi kýáliginen aıyrylǵandar qujatty qaıta rásimdegende.

Jyl basynan beri 337 myń qazaqstandyq júrgizýshi kýáligin aldy.

Basty sózder: Qoǵam,
Joǵary qaraı