Aýa raıy
Astana -1 °S
Almaty -1 °S
valıýta baǵamy
USD 388.81
EUR 429.01
RUB 6.08
CNY 55.49

Elorda ákimdigi turmystaǵy zorlyq-zombylyqqa qarsy beıbit mıtıng ótkizýge ruqsat berdi

2019 jyldyń 18 qazan 2019 18:47

NUR-SULTAN. QazAqparat – Astana ákimdigi otbasy qundylyqtaryn saqtaýǵa, úıde áıelder men balalardyń quqyqtaryna qurmetpen qaraýǵa jurtshylyq nazaryn aýdarýǵa arnalǵan beıbit mıtıng ótkizýge ruqsat berdi, dep habarlaıdy QazAqparat.

Beıbit mıtıng ótkizý týraly aqparatty astananyń azamattyq belsendileriniń biri Anara Bıtebaeva Feısbýktegi paraqshasynda jarııalady.

«Bizdiń, astananyń azamattyq belsendileri, 6 qazanda bolǵan jaǵdaıǵa qatty alańdap otyrmyz. Er adam úıdegi janjal kezinde áıelin kózden tasa jerge aparyp, ústine benzın quıyp órtep jibergen edi. Kúıik shalǵan áıel aýrýhanaǵa jetkizilgen. Dárigerlerdiń aıtýynsha, áıeldi qatty kúıik shalǵan. Budan tys, onyń buǵanasy da synǵan. Qazir áıel Travmatologııa jáne ortopedııa ǵylymı-zertteý ınstıtýtynda emdelip jatyr.

Bul máselege búkil qoǵam atsalysýy kerek. Sońǵy kezderi áıelderge, balalarǵa, qarttarǵa qarsy qylmystar jappaı etek alyp barady. Qylmys ataýlyny boldyrmaý úshin onyń aldyn alý qajet. Al profılaktıkamen búkil qoǵam aınalysýy kerek. Eger qoǵam osyndaı qylmysqa qarsy birikpese, ol toqtamaıdy.

Beıbit mıtınginiń maqsaty otbasy qundylyqtaryn saqtaýǵa, adamdardyń bir-birin qurmetteý dástúrin dáripteýge, áıelder men balalardyń quqyqtaryn saqtaýǵa qoǵamnyń nazaryn aýdarý», - dep jazdy Anara Bıtebaeva.

Belsendiler áıelderge, qarttarǵa jáne balalarǵa kúsh qoldanǵan qylmystardyń ádil tergelýin talap etip jatyr.

Aıta keteıik, qoǵam qaıratkerleri «Zorlyqsyz Qazaqstan» baǵdarlamasyn ázirlep, tııanaqty iske asyrý bastamasyn kótergen.

Basty sózder: Zań, Qoǵam, Nur-Sultan,
Joǵary qaraı