Aýa raıy
Astana 19 °S
Almaty 26 °S
valıýta baǵamy
USD 384.87
EUR 432.52
RUB 6.11
CNY 55.95

Elorda kolledjderinde qaı mamandyqtarǵa tegin oqýǵa bolady

2019 jyldyń 20 maýsym 2019 05:16 774

NUR-SULTAN. QazAqparat - Elorda kolledjderine 40-tan astam mamandyq boıynsha 4 700 grant bólindi, dep habarlaıdy QazAqparat Elorda Infoǵa silteme jasap.

Qalalyq Bilim basqarmasynyń málimetinshe, 2019 jyly qaladaǵy tehnıkalyq jáne kásiptik bilim beretin mekemelerde kúndizgi tegin oqýǵa 40-tan astam mamandyq boıynsha 4 700 orynǵa grant bólinip, memlekettik bilim berý tapsyrysy ornalastyrylǵan.     

9-11 synyp túlekteri, oqýǵa túspegender, jumys izdep júrgen adamdar (Jumyspen qamtý ortalyǵynyń anyqtamasy bolǵan jaǵdaıda), ómirdiń qıyndyǵyna túsip qalǵan azamattar men az qamtylǵan otbasylar músheleri kolledjderde tegin oqý konkýrsyna qatysa alady.

Qajetti qujattar qatarynda, ótinish, bilim týraly qujattyń túpnusqasy, 3h4 sýret, flıýorotaspasymen № 086-ý úlgisindegi medıtsınalyq anyqtama bar. I-II top múgedekteri men bala kezinen múgedektikke shaldyqqandar medıtsınalyq-áleýmettik saraptama qorytyndysyn tapsyrý kerek. Oqýǵa túsetin túlektiń jeke qujatyn ata-anasy nemese zańdy ókili tapsyrýy tıis.

2019 jyly memlekettik bilim berý tapsyrysy ornalastyrylǵan mamandyqtar tizimi:

Qonaq úı sharýashylyqtarynyń qyzmetin uıymdastyrý. Aýdarma isi (túrler boıynsha). Týrızm (salalar boıynsha). Dızaın (baǵdar boıynsha). Tamaqtandyrýdy uıymdastyrý. Ǵımarattar men qurylystardy salý (sý qubyry jelileriniń smetasyn jasaýshy). Іshki sanıtarlyq-tehnıkalyq qurylǵalaryn, jeldetý jáne ınjenerlik júıelerdi (túrler boıynsha) montajdaý men paıdalaný. Interer dızaıny, azamattyq ǵımarattardy qalpyna keltirý, qaıtadan salý. Temirjol qurylysy, jol men jol sharýashylyǵy. Tigin óndirisi, kıim úlgilerin jasaý. Naýbaıhana, makaron men kondıter óndirisi.

Tamaqtandyrý kásiporyndary ónimderin óndirý tehnologııasy men jumysyn uıymdastyrý. Tamaq ónerkásibi kásiporyndarynyń jabdyqtary. Medıtsınalyq tehnıkany montajdaý, tehnıkalyq qyzmet kórsetý jáne jóndeý. Jol qozǵalysyn uıymdastyrý. Shashtaraz óneri men dekoratıvti kosmetıka. Emdeý isi. Medbıkelik is. Bastaýysh bilim.
Mektepaldy bilim men oqytý. Dene shynyqtyrý men sport. Negizgi orta bilim. Mýzykalyq bilim. Marketıng. Kótergish-kóliktik, qurylys, jol salý mashınalary men qondyrǵylaryn tehnıkalyq paıdalaný (salalar boıynsha). Kólikpen tasymaldaýdy jáne kólik qozǵalysyn basqarýdy uıymdastyrý. Avtokólikterge tehnıkalyq qyzmet kórsetý men jóndeý. Jol qurylysy mashınalaryn tehnıkalyq paıdalaný.
Dánekerleý isi (túrler boıynsha). Lıft sharýashylyǵy men eskalatorlar (túrler boıynsha). Joný (tokarlyq) is pen metaldy óńdeý (túrler boıynsha). Orman sharýashylyǵy, baý-baqsha, saıabaq pen landshaftyq qurylys. Esepteý tehnıkasy men baǵdarlamalyq qamtylym (túrler boıynsha): baǵdarlamashy, BIM-menedjer-jobalaýshy. Aqparattyq júıeler (qoldaný salalary boıynsha), kompıýter júıelerin ázirleýshi men sarapshy. Elektrmen qamtamasyz etý (salalar boıynsha).
Energııalyq menedjment. Radıoelektronıka men baılanys (túrler boıynsha). Avtomattandyrylǵan baılanys júıelerin paıdalaný. Elektr stansalary men jelileriniń jabdyqtary.
Elektrmen qamtamasyz etý, temir joldarǵa tehnıkalyq qyzmet kórsetý men onyń elektrotehnıkalyq júıelerin jóndeý, ony paıdalaný.Jıhaz óndirisi (túrler boıynsha). Gazben qamtamasyz etý qondyrǵylary men júıelerin montajdaý, gazdy paıdalaný. Et pen et ónimderin óndirý.Logıstıka (salalar boıynsha).

Qaı mamandyqtarǵa eń kóp grant bólindi?

Eń kóp oryn «Esepteý tehnıkasy men baǵdarlamalyq qamtylym» mamandyǵyna bólindi - 200 oryn. Odan keıin «Tamaqtandyrýdy uıymdastyrý» - 150 oryn; «Dánekerleý isi» jáne «Lıft sharýashylyǵy men eskalatorlar» - 100 orynnan; «Elektrmen qamtamasyz etý, paıdalaný, tehnıkalyq qyzmet kórsetý men jóndeý» -  75;  «Tigin óndirisi, kıim úlgilerin jasaý», «Naýbaıhana, makaron men kondıter óndirisi», «Marketıng», «Avtokólikterge tehnıkalyq qyzmet kórsetý men jóndeý» - 50 orynnan; «Gazben qamtamasyz etý qondyrǵylary men júıelerin montajdaý, gazdy paıdalaný», «Et pen et ónimderin óndirý», «Shashtaraz óneri men dekoratıvti kosmetıka», «Joný (tokarlyq) is pen metaldy óńdeý» - 25 orynnan bólindi.

Basty sózder: Bilim, Nur-Sultan,
Joǵary qaraı