Aýa raıy
Astana 13 °S
Almaty 15 °S
valıýta baǵamy
USD 386.71
EUR 429.17
RUB 6.02
CNY 54.66

Elorda qurylysshylary Arysta 150-ge jýyq jeke turǵyn úıdi qaıta salýda

2019 jyldyń 14 tamyz 2019 17:51

NUR-SULTAN. QazAqparat – Arystaǵy jańa turǵyn salý men qıraǵan úılerdi qalpyna keltirýde 1 myńǵa jýyq astanalyq eńbektenýde, dep habarlaıdy QazAqparat.




«Osydan bir apta buryn kóppáterli turǵyn úıdiń qurylysy bastaldy. Bizdiń sektorda úsh kópqabatty turǵyn úı salynyp jatyr. Sondaı-aq, tehnıkalyq tekseriske sáıkes qalpyna keltirýge jaramsyz dep tanylǵan jáne jańa qurylystyń qajettiligi týraly sheshim qabyldanǵan úılerdiń ornyna 150-ge jýyq jańa jeke turǵyn úı salyp jatyrmyz. Jalpy bizge tıesili 9 sektor aýmaǵynda 1500 turǵyn úı-jaı bar. Onyń 650-i jeke turǵyn úı jáne 57-i kóppáterli turǵyn úı. Úıleri súrilgen arystyq turǵyndar ýaqytsha basqa jerge qonystandy. Jańadan salynyp jatqan úılerden bólek 450-480 úıge kúrdeli jáne aǵymdaǵy jóndeý jumystary jalǵasýda», - dedi Nur-Sultan qalasy ákiminiń orynbasary Nurlan Núrkenov Elorda Aqparat-qa bergen suhbatynda.




Onyń aıtýynsha, jeke jáne kóp páterli turǵyn úılerdiń aǵymdyq jáne kúrdeli jóndeý jumystaryn 25 tamyzǵa deıin aıaqtaý josparlanýda.




«Bizge tıesili sektorda shamamen 10 myń adam turady. Bul – Arys qalasynyń jalpy halqynyń 5/1 bóligin, al qaladaǵy jalpy turǵyn úı qorynyń 18 paıyzyn quraıdy. Árıne, jańa turǵyn úı salý úshin biraz ýaqyt qajet, tehnologııaǵa baılanysty máseleler de bar. Degenmen jumys ýaqtyly, tıisti normalar men qurylys tehnologııasynyń talaptaryna sáıkes júrip jatyr», - dedi ol.




Ákim orynbasarynyń málimdeýinshe, Arystaǵy úılerdi qalpyna keltirý jumystaryna 30-dan astam elordalyq merdiger uıym men 1 myńǵa jýyq jumysshy tartylǵan.





Perevod Álı Ibraev
Basty sózder: Arys, Qurylys, Nur-Sultan,
Joǵary qaraı