Aýa raıy
Astana 5 °S
Almaty 7 °S
valıýta baǵamy
USD 388.96
EUR 432.21
RUB 6.09
CNY 54.99

Elorda turǵyny taksı júrgizýshisinen taıaq jep qala jazdady

2019 jyldyń 14 qyrkúıek 2019 16:57

NUR-SULTAN. QazAqparat – Nur-Sultanda polıtsııa ókilderi taksı júrgizýshisi men klıent arasyndaǵy janjaldyń ústinen tústi, dep habarlaıdy QazAqparat tilshisi.

«Jolda qabyldaý» aktsııasyna tartylǵan polıtsııa qyzmetkerleri Mega Silk Way saýda ortalyǵynyń mańynda bolǵan taksı júrgizýshi men klıenttiń arasyndaǵy daý-damaıdyń ústinen tústi. Janjal kezinde 31 jastaǵy qala turǵyny dene jaraqatyn alǵan. Oqıǵanyń mán-jaıyn anyqtaý úshin ekeýi de polıtsııa bólimine jetkizildi. 52 jastaǵy taksı tizginshisine qatysty ákimshilik is qozǵalady», - delingen Nur-Sultan qalasy polıtsııa departamentiniń baspasóz qyzmeti taratqan aqparatta.




Elordada ekinshi kún qatarynan «Jol útsindegi qabyldaý» aktsııasy ótip jatyr. Alǵashqy kúnniń ózinde aýla aralap júrgen saqshylarǵa 912 adam júginip, túrli suraqtar qoıǵan. Sonyń ishinde 128 adam ákimshilik aıyppul boıynsha, 153 adam saqshylardyń jol qozǵalysyn qamtamasyz etýi jóninde, 130 adam aıyppul tóleý úshin, 100-den astam adam júrgizýshi kýáligin rásimdeý nemese aıyrbastaý boıynsha júgingen.

Qala aýlalarynda ótken aktsııany 400-den astam turǵyn áleýmettik jeli arqyly tikeleı baqylap otyrǵan. Olardyń ishinde onlaın-rejımde júginýshiler de bar. Azamattardy neǵurlym kóbirek qamtý úshin 30-dan astam turǵyn úı kesheninde jedel toptar jumys istep, ózin-ózi basqarý komıtetterimen birge qoǵamdyq qabyldaý uıymdastyrdy.

Avtor Esimjan Naqtybaı
Basty sózder: Oqıǵa, Nur-Sultan,
Joǵary qaraı