Aýa raıy
Astana -4 °S
Almaty 2 °S
valıýta baǵamy
USD 389.34
EUR 428.78
RUB 6.05
CNY 55.45

Elordada bokstan Prezıdent kýbogi ótedi

2019 jyldyń 25 maýsym 2019 07:53

NUR-SULTAN. QazAqparat - 15-25-shilde aralyǵynda Nur-Sultan qalasynda bokstan Prezıdent kýbogi ótedi. Bul týraly QazAqparat tilshisine Ulttyq quramanyń bas bapkeri Ǵalymbek Kenjebaev aıtty.

«Dál qazir Túrkııada oqý-jattyǵý jıynyn ótkizip jatyrmyz. 15-25-shilde aralyǵynda elordada Prezıdent kýbogi ótedi. 2 shilde kúni Nur-Sultan qalasyna jınalatyn bolamyz», - dedi bas bapker.

Sondaı-aq ol baıraqty dodaǵa qazaq boksshylarynan bólek, Qytaı, Monǵolııa, Ózbekstan, Reseı, barlyǵy onnan astam eldiń eń myqty sportshylary keletinin atap ótti. Prezıdent kýbogi boksshylar úshin jańa salmaq dárejeleri boıynsha ótpek.

Aıta keteıik, HOK bokstan Olımpıada baǵdarlamasyna enetin salmaq dárejelerine ózgerister engizgen bolatyn. Naqtylap aıtar bolsaq, Tokıo Olımpıadasynda erler - 8, áıelder 5 salmaq dárejesinde baq synaıdy. Erler arasyndaǵy olımpıadalyq salmaq dárejeleri: 52, 57, 63, 69, 75, 81, 91 jáne +91 keli. Al áıelder arasyndaǵy olımpıadalyq salmaq dárejeleri: 51, 57, 60, 69 jáne 75 keli.

Avtor Kúnsultan Otarbaı
Basty sózder: Boks, Sport, Nur-Sultan,
Joǵary qaraı