Aýa raıy
Astana -1 °S
Almaty 2 °S
valıýta baǵamy
USD 389.75
EUR 434.26
RUB 6.12
CNY 55.05

Elordada sportshylarmen ǵylymı jumys júrgizetin ýnıversıtet ashylady

2019 jyldyń 18 qyrkúıek 2019 17:23

NUR-SULTAN. QazAqparat - Árbir biregeı sportshymen ǵylymı jumys júrgizilýi tıis. Bul týraly búgin QR Ulttyq olımpıada komıtetiniń prezıdenti Tımýr Qulybaev aıtty, dep habarlaıdy QazAqparat tilshisi.

«Bizde álemdik deńgeıdegi tamasha sportshylar bolǵanymen, olarmen ǵylymı jumys júrgizilmeıdi. Árbir biregeı sportshymen ǵylymı jumys júrgizilýi tıis. Sondyqtan da biz kópten beri kadr oqytý jáne daıyndaý, jetekshi sportshylarmen ǵylymı jumys júrgizý múmkinshiligi bar mamandandyrylǵan joǵary oqý ornyn qurýdy ótinip kelemiz», - dedi Tımýr Qulybaev QR Ulttyq olımpıada komıteti Bas assambleıasynyń otyrysynda.

Onyń atap ótýinshe, burynyraqta árbir talantty sportshymen mundaı ǵylymı jumys júrgizilip kelgen.

«Osy jerde bizdiń ótken jyldardaǵy uly sportshylarmyz otyr jáne olardyń árqaısysy osyndaı ǵylymı jumystarǵa qatysqan. Olardyń árqaısysy boıynsha kandıdattyq, doktorlyq jumystar jazylyp, qorǵaldy. Búgingi kúni bizde mundaı jumys joq. Ony bastap, jasaýymyz qajet. Ýnıversıtet boıynsha el Prezıdentimen, Premer-Mınıstrmen sóılestik. Óıtkeni, shynymen ýnıversıtet bizge osy jerde, elordada, olımpıadalyq daıyndyq ortalyq bazasynda qajet. Biz qarajat izdep tabamyz, tipti memlekettik-jekeshelik seriktestik júıesi arqyly bolsa da»,- dedi ol.


Avtor Marlan Jıembaı
Basty sózder: Bilim, JOO-lar, Sport, Olımpıada,
Joǵary qaraı