Aýa raıy
Astana -8 °S
Almaty 13 °S
valıýta baǵamy
USD 389.98
EUR 434.01
RUB 6.10
CNY 55.04

Elordada velosporttan ótip jatqan jarysqa 300-ge jýyq bala qatysýda

2019 jyldyń 21 qyrkúıek 2019 13:01

NUR-SULTAN. QazAqparat – Elordadaǵy «Saryarqa» velotreginde «Olımpıada úmiti» atty 5-6 jastaǵy balalar arasynda velosıped sport túrinen Gran-prı bastaldy, dep habarlaıdy QazAqparat tilshisi.

«Jarystyń talaby barlyq qatysýshylarǵa birdeı. Balalar 4 sanat boıynsha saıysqa túsedi. ıAǵnı, 5 jastaǵy uldar bólek, qyzdar bólek jáne 6 jastaǵy uldar men qyzdar bólek top bolyp synǵa túsedi. Jalpy jyl sanap qatysýshylardyń sany artyp keledi, alǵash 2016 jyly ótkizgende 147 bala qatyssa, bıyl 280 bala qatysyp otyr. Taǵy bir aıtyp ketetin jaıt jarysqa qatysý tegin», - dedi velosıped sportynan olımpıadalyq daıarlaý ortalyǵynyń qyzmetkeri Dınara Aýbakırova.

Uıymdastyrýshylardyń aıtýynsha, atalǵan básekege barlyq nıettiler qatysa alady, ol úshin balanyń týý týraly kýáligi, medıtsınalyq anyqtama jáne ata-anasynyń atynan ótinish bolýy kerek.

«Osymen úshinshi jyl ótip jatqan sharanyń maqsaty – balalardy sportqa onyń ishinde velosportqa baýlý. Odan bólek, bizde qazir balalardy velosportpen kásibı daıyndaý maqsatynda irikteý kezeńi ótip jatyr. Іrikteýden ótken úzdik degen balalardy arnaıy seksııa aıasynda kásibı mamandar daıyndaıtyn bolady», - dedi ol.

«Olımpıada úmiti» velosport jarysynyń jeńimpazdaryna І orynǵa velosıped, ІІ orynǵa shyǵyrshyqty konkı, ІІІ orynǵa shlem tabys etiledi.

Sondaı-aq, yntalandyrý retinde demeýshilerdiń syılyqtary qarastyrylǵan.


Avtor Álı Ibraev
Basty sózder: Nur-Sultan, Sport,
Joǵary qaraı