Aýa raıy
Astana -3 °S
Almaty 7 °S
valıýta baǵamy
USD 389.34
EUR 428.78
RUB 6.05
CNY 55.45

Elordadaǵy tergeý ızolıatorynda front-keńse ashyldy

2019 jyldyń 11 qazan 2019 12:49

NUR-SULTAN. QazAqparat – Elordadaǵy ETs-166/1 ýaqytsha oqshaýlaǵyshynda front-keńse ashyldy, dep habarlaıdy QazAqparat tilshisi.




Biraz ýaqyttan beri qoǵam tarapynan elordadaǵy tergeý ızolıatorynda kelýshilerge arnalǵan bólmelerdiń joqtyǵyna, kelýshilerge tıisti jaǵdaı jasalmaǵandyǵyna qatysty shaǵymdar túsken bolatyn. Tipti aqpan aıynda YouTube jelisinde ýaqytsha oqshaýlaǵyshtyń aldynda kóp adamnyń jınalyp, kelýshilerge eshqandaı jaǵdaıdyń jasalmaǵany týraly shýly vıdeo tarap ketken. Sol sebepti, qalalyq qylmystyq-atqarý júıesi departamentiniń bastamasymen 2019 jyldyń naýryzynda atalmysh mekemede front-keńse ashý týraly sheshim qabyldanǵan. Biryńǵaı ótkizý pýnkti sanalatyn front-keńse kelýshilerdiń kútý ýaqytyn azaıtyp, zamanǵa saı qyzmet kórsetedi.




«Búgin biz Nur-Sultan qalalyq qylmystyq-atqarý júıesi departamentiniń ETs-166/1 mekemesinde front-keńseni ashýǵa jınalyp otyrmyz. Shynyn aıtý kerek, bul burynnan beri bizdiń, sottalǵandardyń, qamaýdaǵylar men olardyń týystarynyń ózekti máselesi bolatyn. Keńseniń ashylýyna qalalyq ákimdik qol ushyn sozyp otyr», - dedi qalalyq qylmystyq-atqarý júıesi departamentiniń bastyǵy, ádilet polkovnıgi Ernat Aqyljanov.




Tergeý ızolıatorymen jalǵasyp turǵan front-keńsede Halyqqa qyzmet kórsetý ortalyqtaryndaı arnaıy termınal ornatylǵan. ıAǵnı, onda kelgen kez kelgen adam elektrondy kezek boıynsha tıisti mamandardyń qabyldaýyna kirý úshin termınal arqyly kezekke turady.




Kútýshiler úshin birneshe qatar oryndyq qoıylǵan. Sonymen birge, front-keńsede kelýshilerge arnalǵan kompıýter (prınterimen) de satylyp alynǵan.




Qazirgi ýaqytta 720 orynǵa tergeý ızolıatorynda 435 adam otyr. Berilgen málimetke súıensek, tergeý ızolıatorynyń qyzmetkerleri kúnine 150 adamǵa qyzmet kórsetedi. Kóbi oqshaýlaǵyshta jatqan týǵan-týystaryna tamaq nemese kıim ákelýishler. Odan bólek, zańgerlik kómek kórsetetinder, advokattar men qoǵamdyq qorǵaýshylar da jıi keledi.








































Joǵary qaraı