Aýa raıy
Astana -1 °S
Almaty 1 °S
valıýta baǵamy
USD 389.75
EUR 434.26
RUB 6.12
CNY 55.05

Elordadaǵy «Terrıtorııa komforta-1» turǵyn úıi buzylyp jatyr

2019 jyldyń 11 qyrkúıek 2019 16:49

NUR-SULTAN. QazAqparat – Búgin qala ákimi Altaı Kólginov «Terrıtorııa komforta – 1» turǵyn úı kesheninde boldy. Bul jaıynda qala ákiminiń baspasóz hatshysy Aqmaral Oljabaeva Facebook-tegi paraqshasynda jazdy, dep habarlaıdy QazAqparat.

Turǵyn úı kesheni 2004 jyly turǵyzyla bastaǵan. Tehnıkalyq tekserý ǵımarattyń apatty ekenin kórsetken. «Nur Astana Qurylys» JShS bólshekteý jónindegi jobanyń jetekshisi Alıakbar Úmbetalınniń aıtýynsha, burynǵy qurylys salýshy tehnıkalyq normalarǵa sáıkes kelmeıtin beton markasyn paıdalanǵan.

«№500 markanyń ornyna qurylys salýshy № 250 paıdalandy. Bul qurylym turǵyn úılerdi salý úshin qolaıly emes. Armatýranyń túıisken jerlerinde baılamdar joq. Al keı jerlerinde qalaý torynan baılamdar paıdalanylǵan. Eger mundaı úıdi paıdalanýǵa engizse, onda úıdiń bir bóligi tehnıkalyq normalarǵa sáıkes bolmaǵandyqtan birden qulaıdy», - dedi A. Úmbetalın.





Qala ákimi A. Kólginov birinshi kezektegi mindet - turǵyndarǵa kiltterin berý ekenin atap ótti. Jalpy úleskerler sany - 500 adam.

«Bastysy ınvestor tabyldy. Eger basqa problemalyq nysandardyń eń bolmaǵanda irgetasy qalansa, bul jerde barlyǵyn buzyp, qurylysty qaıta bastaý qajet. Investor úshin joba rentabeldi, ýchaske qalanyń ortalyq kósheleriniń birinde ornalasqan. Qazir barlyǵymyz birge jumys isteýimiz kerek. Qujattama boıynsha biz kómektesemiz» - dedi A. Kólginov.





Atalǵan turǵyn úı kesheni bloktaryn buzý aǵymdaǵy jyldyń sońyna deıin aıaqtalady. Qalada barlyǵy 51 aıaqtalmaǵan nysan (76 úı) bar. Qurylys protsesin Nur Otan jáne máslıhat depýtattary baqylaıtyn bolady. Aǵymdaǵy jyldyń sońyna deıin 10 turǵyn úı paıdalanýǵa beriledi.





Avtor Marlan Jıembaı
Basty sózder: Nur-Sultan, Ákim, Turǵyn úı,
Joǵary qaraı