Aýa raıy
Astana 4 °S
Almaty 2 °S
valıýta baǵamy
USD 388.96
EUR 432.21
RUB 6.09
CNY 54.99

Elordalyqtar Arys turǵyndaryna kómektesýge jumylyp jatyr

2019 jyldyń 25 maýsym 2019 13:39

NUR-SULTAN. QazAqparat - Elorda ákimdiginiń qyzmetkerleri, qalalyq mekemeler, kásiporyndar «Arys, biz birgemiz!» atty jalpy respýblıkalyq aktsııaǵa qoldaý kórsetýde. Olar ózderiniń bir kúndik jalaqylaryn Arys qalasynyń zardap shekken turǵyndaryna aýdarady, dep habarlaıdy QazAqparat tilshisi Nur-Sultan ákimdigine silteme jasap.

Elorda ákimdigi Arys qalasynyń 500 balasyn barlyq qajetti zattarmen, kıimmen, aıaq kıimmen, mektepke qajet qural-jabdyqtarmen qamtamasyz etip, bir aıǵa jazǵy lagerge jiberedi. Qalanyń zardap shekken taǵy 1000 balasyna jazǵy demalysty L.Gýmılev atyndaǵy Eýrazııa ulttyq ýnıversıteti uıymdastyrady.

Aktsııa aıasynda zardap shekkenderge Nur-Sultan qalasynyń kásipkerleri men metsenattary azyq-túlikpen gýmanıtarlyq kómek kórsetedi. Budan bólek, elordanyń 5 núktesinde zardap shekkender úshin qajetti zattardy qabyldaý pýnkti ashylady. Turǵyn úıler men basqa da ınfraqurylym nysandaryn qalpyna keltirý úshin Nur-Sultannan Arys qalasyna qurylys brıgadalary men qajetti qurylys materıaldarynyń kerýenderi jiberiledi.

Sonymen qatar, «Qazaqstan medıtsına jastary» qoǵamdyq uıymy zardap shekken turǵyndarǵa alǵashqy medıtsınalyq kómek kórsetý úshin medıtsınalyq oqý oryndarynyń stýdentteri men medıtsına qyzmetkerleri arasynan eriktilerdi jınap jatyr. Arys qalasyna 30-40 erikti jiberý josparlanǵan.

Myna meken jaılarda qajetit zatardy qabyldaý pýnkteri ornalasady:

- Respýblıka dańǵyly, 34, «JASTAR» saraıy, 3-qabat, №306 kabınet, baılanys telefony: 8 775 513 64 41;

- Táýelsizdik dańǵyly, 3, «Nur Otan» partııasy elordalyq fılalynyń ǵımaraty, №405 kabınet, baılanys telefony: 87759500298;

- Jeńis dańǵyly, 62, Sáken Seıfýllın atyndaǵy Qazaq agrotehnıkalyq ýnıversıteti, baılanys telefony: 48-19-10.

Avtor Marlan Jıembaı
Basty sózder: Jaqsylyq jasa, Arys, Nur-Sultan,
Joǵary qaraı