Aýa raıy
Astana -4 °S
Almaty 2 °S
valıýta baǵamy
USD 389.34
EUR 428.78
RUB 6.05
CNY 55.45

«Eńbek» baǵdarlamasyna ózgerister engizý kerek - senator

2019 jyldyń 10 qazan 2019 14:32

NUR-SULTAN. QazAqparat – «Eńbek» memlekettik baǵdarlamasyna ózgerister engizý kerek. Bul týraly Senattyń jalpy otyrysynda depýtat Erik Sultanov málim etti, dep habarlaıdy QazAqparat tilshisi.

«Soltústik Qazaqstan oblysy – 635 aýyldyq eldi mekende turatyn aýyl halqynyń úlesi 54 paıyzdy quraıtyn aımaq. Aýyldyq eldi mekenderdiń jalpy sanyndaǵy 97 aýyldyń halqy 50 adamnan kem, olar «Qazaqstan Respýblıkasynyń ákimshilik-aýmaqtyq qurylysy týraly» Zańǵa sáıkes, taratylýǵa jatady jáne derbes ákimshilik-aýmaqtyq birlik mártebesinen aıyrylady. Sońǵy úsh jyldyń ishinde 33 eldi mekende taratý sharalary júrgizildi. Qazirgi ýaqytta zańnama tek aýmaqtyq birlikterdiń eń jaqyn aýylyn taratý jáne oǵan qosylý shemasyn retteıdi. Bul rette joǵary ári orta damý áleýeti bar aýyldarda kóship kelýshilerdiń baspana satyp alýy úshin bıýdjetten qarajat bólý qarastyrylmaǵan», - dep toqtaldy senator QR Úkimet basshysy Asqar Mamınniń atyna joldaǵan depýtattyq saýalynda.

Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamasynda respýblıkalyq bıýdjetten beriletin transfertter arqyly óńiraralyq qonys aýdarýdy memlekettik qoldaý sharalary, onyń ishinde turǵyn úımen qamtamasyz etý sharalary qarastyrylǵan.

«Aýyldyq jerlerdi tıimdi damytý jáne ekonomıkalyq turǵydan keleshegi bar aýyldarda resýrstardy shoǵyrlandyrýǵa múmkindik beretin ońtaıly aýyldyq eldi mekender shemalaryn qalyptastyrý úshin qoldanystaǵy «Eńbek» memlekettik baǵdarlamasyna ózgerister men tolyqtyrýlar engizý máselesin qarastyrýdy suraımyz. Atap aıtqanda, taratylǵan aýyldardyń turǵyndary úshin jyl saıyn turǵyn úı salýǵa nemese satyp alýǵa qarajat bóle otyryp, olarǵa memlekettik qoldaý kórsetýdi qamtamasyz etý. Bul máseleni qoldaý keleshegi joq aýyldardyń kúrdeli máselelerin sheshedi jáne qonystanǵan azamattardyń osy sharalarǵa degen qajettilikti qabyldaýyna oń áser etedi», - dedi E. Sultanov.

Joǵary qaraı