Aýa raıy
Astana 30 °S
Almaty 31 °S
valıýta baǵamy
USD 386.70
EUR 427.15
RUB 6.06
CNY 54.57

Erkin kúresten álem chempıonatynda el namysyn kimder qorǵaıdy

2019 jyldyń 20 tamyz 2019 14:15

NUR-SULTAN. QazAqparat – Erkin kúresten Nur-Sultandaǵy álem chempıonatyna qatysatyn balýandardyń esimderi belgili boldy, dep habarlaıdy QazAqparat.

QR Ulttyq olımpıadalyq komıtet habarlaǵandaı, komandany tolyq jasaqtaý úshin birneshe salmaqtaǵy balýandar arasynda qosymsha beldesýler ótkizilgen. Naqtylap aıtar bolsaq, bapkerler keńesi 65, 86, 92 jáne 125 kg úzdik balýandy anyqtaý úshin qosymsha beldesýler uıymdastyrdy.

65 kelide Dáýlet Nııazbekov pen Saıatbek Oqasov kúresip, tájirıbeli Dáýlet jeńiske jetip, atalǵan salmaqta álem chempıonatynada el namysyn qorǵamaq.

Sondaı-aq, 86 kelidegi Ádilet Dáýlembaev pen Azamat Dáýletbekov arasyndaǵy beldesýdiń jeńimpazy bolyp Ádilet Dáýlembaev tanyldy. 92 kelidegi Eraly Ábdirashev pen Nurǵalı Nurǵaıypulynyń arasyndaǵy kezdesý sońǵysynyń jeńisimen aıaqtalsa, 125 kelide Oleg Boltın ıÝsýf Batyrmurzaevtan basym tústi.

Osylaısha, álem chempıonatyna qatysatyn balýandar tolyǵymen belgili boldy.

Erkin kúresten lıtsenzııalyq álem chempıonatyna qatysatyn Qazaqstan quramasynyń tizimi:

57 keli: Nurıslam Sanaev

61 keli: Rasýl Qalıev

65 keli: Dáýlet Nııazbekov

70 keli: Nurǵoja Qaıpanov

74 keli: Danııar Qaısanov

79 keli: Ǵalymjan Óserbaev

86 keli: Ádilet Dáýlembaev

92 keli: Nurǵalı Nurǵaıypuly

97 keli: Álisher Erǵalı

125 keli: Oleg Boltın

Aıta keteıik, kúres kúres túrlerinen (grek-rım, erkin jáne áıelder kúresi) álem chempıonaty aldaǵy 14-22 qyrkúıek aralyǵynda elordadaǵy «Barys Arena» muz saraıynda ótedi. Bul týrnır Japonııa astanasynda ótetin Tokıo-2020 Olımpıadasyna alǵashqy irikteý saıysy bolmaq.

Álem chempıonatynda Olımpıadalyq oıyndarǵa joldama alý úshin elimizge 100 ge tarta elden myńǵa jýyq balýany keledi dep josparlanǵan.

Avtor Kúnsultan Otarbaı
Basty sózder: Sport, Qoǵam,
Joǵary qaraı