Aýa raıy
Astana 1 °S
Almaty 7 °S
valıýta baǵamy
USD 388.70
EUR 428.70
RUB 6.08
CNY 55.46

Esikti buzyp kirdi: Almatylyq qutqarýshylar órtengen páterden qarııany qutqardy

2019 jyldyń 24 maýsym 2019 11:13

ALMATY. QazAqparat - Almatyda órt sóndirýshiler qarııany órtenip jatqan páterden alyp shyqty, dep habarlaıdy QazAqparat tilshisi.

Qalalyq Tótenshe jaǵdaılar departamentiniń baspasóz qyzmetinen málim etkendeı, «Aqsaı 4» shaǵyn aýdany, №122 úıdiń tórtinshi qabatyndaǵy páterden tútin shyǵyp jatqany týraly habarlama kezekshi pýltine túsken.

Bes mınýtta oqıǵa ornyna mototsıkl tizgindegen TJD ókilderi jetken.

Toǵyz qabatty úıdiń 4-qabatyndaǵy balkonnan qalyń tútin býdaqtap jatty. Úıdiń mańynda avtomashınalar turǵandyqtan kólikpen jaqyndap barý múmkin bolmady.

«Páterdiń esigi jabyq boldy. Kórshilerdiń aıtýynsha, úıde 78 jastaǵy qart turyp jatqan. Ony qutqarý úshin órt sóndirýshiler esikti gıdravlıkalyq quralmen ashty. 1941 jyly týǵan qarııa qaýipsiz jerge kóshirildi», - delingen aqparatta.

Anyqtalǵandaı, jalyn kondıtsıonerdiń elektr symdarynyń qysqa tuıyqtalýynan shyqqan. Bir sharshy metr aýmaqta turmystyq zattar órtenip, sodan qalyń tútin býdaqtaǵan.

Joǵary qaraı