Aýa raıy
Astana 13 °S
Almaty 19 °S
valıýta baǵamy
USD 384.06
EUR 429.19
RUB 6.08
CNY 55.83

Fýtbol: Erkebulan Seıdahmet «Ýfadan» «Qaıratqa» aýysty

2019 jyldyń 26 maýsym 2019 01:22 965

NUR-SULTAN. QazAqparat  - «Qaırat» fýtbol klýby shabýylshy Erkebulan Seıdahmetpen kelisimshartqa qol qoıdy, dep habarlaıdy QazAqparat tilshisi.

«Qaırat» fýtbol klýbynan alynǵan málimetke qaraǵanda, Tarazdyń túlegi osylaısha Reseıden Qazaqstanǵa qaıtyp oraldy.

Erkebulan Seıdahmet fýtbolshy retindegi jolyn 2017 jyly «Tarazdyń» quramynda bastady. 1 sáýir kúni «Tobylmen» syrt alańdaǵy matchta alǵash ret oıynǵa qosyldy. Sol jylǵy maýsymda barlyǵy 15 kezdesý ótkizip, pavlodarlyq «Ertistiń» qaqpasyna bir gol soqty.

«Qazaq Messıi» atanǵan E.Seıdahmet 2018 jyldyń aqpanynda Reseıdiń premer-lıgasynda óner kórsetetin «Ýfamen» kelisimshartqa qol qoıdy. Naýryzda «Anjı» klýbymen ótken matchta alǵash ret alańǵa shyqty. Ol Reseı premer-lıgasynda óner kórsetken 2000 jylǵy birinshi oıynshy boldy.

Bir jyldan keıin, bıylǵy aqpanda Erkebulan jalgerlik kelisim negizinde bolgarııalyq «Levskı» klýbyna aýysty. Munda 15 naýryz kúni bastapqy kezdesýin ótkizdi. Keıin «Levskı» quramynda Bolgarııa chempıonatynyń qola júldegeri atandy.

Erkebulan Seıdahmet - Qazaqstan quramasy úshin gol soqqan eń jas oıynshy. Vengrııamen ótken joldastyq kezdesýde goldyń avtory atanǵan ol sol kúni 18 jas, bir aı, 19 kúnge tolǵan edi.

«Qaırat» fýtbol klýbymen kelisimshart úsh jylǵa eseptelgen. Taǵy eki jylǵa sozý múmkindigi qarastyrylǵan. «Qaırat» quramynda E.Seıdahmet 10-ynshy nómirmen alańǵa shyǵady.

Erkebulannyń ózi «Qaırattyń» quramynda oınaý bala kezden bergi armany ekendigin, endi myqty fýtbolshylardyń birine aınalý úshin baryn salatyndyǵyn jetkizdi.

Transfermarkt.com derekterine qaraǵanda, «Qaırat» Erkebulan úshin «Ýfaǵa» 300 myń eýro tóleıdi.  Bul E.Seıdahmet úshin rekordtyq transferlik baǵa bolyp esepteledi. «Ýfaǵa» ol erkin agent retinde aýysqan bolatyn.

 

 

 

Avtor Eljan Eraly
Basty sózder: Qoǵam, Sport,
Joǵary qaraı