Aýa raıy
Astana 30 °S
Almaty 35 °S
valıýta baǵamy
USD 384.87
EUR 432.52
RUB 6.11
CNY 55.95

Fýtbol: «Qaısar» 20 jyldan keıin Qazaqstan kýbogy fınalyna shyqty

2019 jyldyń 19 maýsym 2019 21:09 894

QYZYLORDA. QazAqparat - Fýtboldan Qazaqstan kýbogy fınalyna shyqqan alǵashqy komanda anyqtaldy, dep habarlaıdy QazAqparat tilshisi.

Búgin jartylaı fınaldyń qarymta kezdesýiniń biri Qyzylorda qalasynda ótti. Jergilikti «Qaısar» Qostanaıdyń «Tobylyn» qabyldady.

Esterińzge sala ketelik, 22 mamyrda Qostanaıda atalmysh eki komanda arasyndaǵy jartylaı fınaldyń alǵashqy kezdesýi ótkizildi. Ol oıynda «Tobyl» klýby «Qaısardy» 1:0 esebimen jeńgen edi.

Sondyqtan búgingi kezdesýde qyzylordalyq klýb kem degende eki gol aıyrmasymen jeńýi tıis edi. Sondyqtan oıyn basynan alań ıeleri shabýylǵa kóbirek kóńil bóldi. Nátıjesinde 16-mınýtta «Qaısardyń» jartylaı qorǵaýshysy Tıgran Barsegıan óz komandasyn alǵa shyǵardy. Ekinshi kezeńniń 67-mınýtynda qyzylordalyq shabýylshy Kýle Mvombo esepti ústemeleı tústi. Al 89-mınýtta «Tobyl» sapynan Artýras Jýlpa bir golmen ajýap qaıyrdy. Osylaısha oıynnyń sońǵy mınýtyna deıin «Qaısardyń» basymdyǵymen tabloda 2:1 esebi janyp turdy. Sońǵy mınýtta qostanaılyq fýtbolshylardyń qolyna óz aıyn alańynda dop tıip ketti. Tóreshi olardyń qaqpasyna penaltı belgiledi. Ony Tıgran Barsegıan sheber oryndady. Nátıjesinde qarsylasyn 3:1 esebimen jeńgen «Qaısar» 20 jyldan keıin Qazaqstan kýbogy fınalyna joldama alyp otyr.

Qyzylordanyń «Qaısary» syrt alańda 1/8 fınalda «Ońtústik akademııasyn», shırek fınalda Pavlodardyń «Ertisin» 2:1 esebimen jeńip ketti. «Qaısar» komandasy 1999 jyly kýbokqa ıe bolyp, ol joly Óskemenniń «Vostogynan» 2:1 esebimen basym tústi.1998 jyly fınalǵa deıin jetse,  2007 jyly jartylaı fınalda baq synady.

Dál qazir Atyraý qalasynda jartylaı fınaldyń taǵy bir oıyny ótkizilip jatyr. Esterińizge sala ketelik, atalmysh eki komanda arasyndaǵy alǵashqy kezdesý 1:1 esebimen teń aıaqtalǵan edi

Foto: Knews

 

Avtor Ádiljan Úmbet
Basty sózder: Sport, Qyzylorda oblysy,
Joǵary qaraı