Aýa raıy
Astana 4 °S
Almaty 3 °S
valıýta baǵamy
USD 388.96
EUR 432.21
RUB 6.09
CNY 54.99

Fýtbol: Qazaqstan kýbogy fınalyna shyqqan ekinshi komanda anyqtaldy

2019 jyldyń 19 maýsym 2019 22:03

NUR-SULTAN. QazAqparat - Fýtboldan Qazaqstan kýbogy fınalyna shyqqan ekinshi komanda anyqtaldy, dep habarlaıdy QazAqparat tilshisi.

Esterińizge sala ketelik, budan buryn fınalǵa Qyzylordanyń «Qaısar» komandasy joldama alǵanyn habarlaǵan edik. Atalmysh komanda búgin óz alańynda Qostanaıdyń «Tobylyn» 3:1 esebimen tize búktirdi.

Atyraýdaǵy jergilikti «Atyraý» men «Ordabasy» arasyndaǵy kezdesýde esep ashylǵan joq. Eki komanda bir-biriniń qaqpasy mańynda shabýyl uıymdastyrdy. Degenmen ekeýi de kózdegen maqsatyna jete alǵan joq. Eki komanda arasyndaǵy jartylaı fınaldyń alǵashqy kezdesýinde 1:1 esebi tirkelgen edi. Nátıjesinde qos oıynnyń nátıjesimen «Atyraý» komandasy fınalǵa joldama aldy.

Bıyl Qazaqstan kýbogynda «Atyraý» da sátti oınap keledi. Atyraýlyq klýb 1/8 fınalda Taldyqorǵannyń «Jetisý» klýbyn 1:0 esebimen qapy qaldyrdy. Odan keıin shırek fınalda Semeıdiń «Altaıymen» negizgi kezeńde 1:1 esebimen teń oınap, penaltı tebýde atyraýlyq komanda mergendik tanytty. Odan keıin Bıyl Qazaqstan kýbogynda «Atyraý» da sátti oınap keledi. Atyraýlyq klýb 1/8 fınalda Taldyqorǵannyń «Jetisý» klýbyn 1:0 esebimen qapy qaldyrdy. Odan keıin shırek fınalda Semeıdiń «Altaıymen» negizgi kezeńde 1:1 esebimen teń oınap, penaltı tebýde atyraýlyq komanda mergendik tanytty. Endi «Ordabasy» komandasyn da orta jolda qaldyryp otyr.

«Atyraý» 2009 jyly kýbok ıegeri atandy. Sol joly Qaraǵandynyń «Shahterin» 1:0 esebimen jeńgen bolatyn. Sońǵy eki jylda fınalǵa deıin jetti. Sondaı-aq, 2001, 2004 jáne 2005 jyldarda jartylaı fınalǵa shyǵa aldy.

Avtor Ádiljan Úmbet
Basty sózder: Sport,
Joǵary qaraı