Aýa raıy
Astana -8 °S
Almaty -3 °S
valıýta baǵamy
USD 389.34
EUR 428.78
RUB 6.05
CNY 55.45

Fýtbol: Transferlik kezeń 26 maýsymda bastalady

2019 jyldyń 25 maýsym 2019 22:56

NUR-SULTAN. QazAqparat - Fýtboldan Qazaqstan birinshiliginde transferlik kezeń 26 maýsymnan bastalady, dep habarlaıdy QazAqparat tilshisi.

Bul jóninde Qazaqstan kásipqoı fýtbol lıgasy málim etti . Transferlik kezeń 26 maýsymda bastalyp, 24 shildede aıaqtalady. Sol kúnge deıin Qazaqstan kásipqoı fýtbol lıgasyna múshe komanda ókilderi óz klýbtaryndaǵy ózgerister jóninde habarlaýy tıis. Qazaqstan kásipqoı fýtbol lıgasynyń resmı saıtynda ol jaıynda jedel aqparattar jarııalanyp otyrady.

Esterińizge sala ketelik, bıyl fýtboldan Premer-lıga komandalary arasyndaǵy el birinshiligi 9 naýryz kúni jalaýyn kóterdi. Búgingi kúnge deıin 15 týr oınaldy. Kósh basynda «Astana», «Tobyl» jáne «Ordabasy» komandalary keledi

Al 16-týr oıyndary 30 maýsymda ótkiziledi. Bul kúni «Aqtóbe» men «Ertis», «Astana» men «Qaırat», «Jetisý» men «Tobyl», «Oqjetpes» pen «Atyraý», «Ordabasy» men «Qaısar», «Shahter» men «Taraz» komandalary kezdesedi.

Avtor Ádiljan Úmbet
Basty sózder: Sport,
Joǵary qaraı