Aýa raıy
Astana 19 °S
Almaty 18 °S
valıýta baǵamy
USD 386.34
EUR 427.25
RUB 5.88
CNY 54.57

Fýtboldan Chempıondar lıgasy: «Astana» rýmyn klýbynan jeńilip jatyr

2019 jyldyń 18 shilde 2019 00:53 223

NUR-SULTAN. QazAqparat - Elordalyq «Astana» fýtboldan UEFA Chempıondar lıgasy birinshi kezeńi aıasynda syrt alańda Rýmynııanyń ChFR komandasymen qarymta kezdesý ótkizip jatyr. Qazirgi sátte oıynnyń birinshi kezeńi aıaqtaldy, dep habarlaıdy QazAqparat tilshisi.

«Astananyń» bas bapkeri Roman Grıgorchýk alǵashqy mınýttan Nenad Erıch, Antonıo Rýkavına, Evgenıı Postnıkov, Lýka Shımýnovıch, Abzal Beısebekov, ıÝrıı Logvınenko, Ivan Maevskıı, Rýnar Mar Sıgýronsson, Marın Tomasov, Roman Mýrtazaev, Dorın Rotarıý syndy shákirtterine senim bildirdi.

Al ChFR komandasynyń bas bapkeri Dan Petreský olarǵa Gedrıýs Arlaýskıs, Kamora, Andreı Býrke, Paýlo Vınısıýs, Mateo Sýshıch, Mıhaı Bordeıaný, Hýan Kýlıo, Damıan Djokovıch, Bılel Omranı, Chıprıan Dıak, Marıý Rondondy qarsy qoıdy.

Oıyn qarqyndy bastaldy. Alań ıeleri bizdiń qaqpaǵa lap qoıdy. Degenmen esepti bizdiń oıynshylar ashty. Ony 4-mınýtta Roman Mýrtazaev oryndady.

Budan keıin rýmyn fýtbolshylary gol soǵýǵa alǵa umtyldy. Nátıjesinde 10-mınýtta Bılel Omranı oń qanattan áýelete berilgen dopty bizdiń qaqpaǵa soǵyp ketti. Al 26-mınýtta Bılel Omranıdiń tepken doby jolaı Evgenıı Postnıkovtyń aıaǵyna tıip, bizdiń qaqpaǵa endi. Birinshi kezeńniń sońyna taman qarsylastar taǵy bir gol saldy. Ony tóreshiler rýmyn fýtbolshysynyń oıynnan tys qalýyna baılanysty esepke alǵan joq.

Esterińizge sala ketelik, eki komanda arasyndaǵy alǵashqy kezdesý elordada ótkizildi. Bul oıynda «Astana» 1:0 esebimen basym túsken bolatyn. Dál qazirgi esep boıynsha «Astana» jarystyń kelesi satysyna shyǵýyna múmkindik bar. Bul juptyń jeńimpazy 23 jáne 30 shilde kúnderi Izraıldiń «Makkabı» (Tel-Avıv) komandasymen kezdesedi.

Avtor Ádiljan Úmbet
Basty sózder: Sport, Nur-Sultan,
Joǵary qaraı