Aýa raıy
Astana 0 °S
Almaty 7 °S
valıýta baǵamy
USD 388.70
EUR 428.70
RUB 6.08
CNY 55.46

Ǵalymdar men bıznesmender Qazaqstandaǵy eń qýatty avtotransformatordy tanystyrdy

2019 jyldyń 4 qazan 2019 20:45

ShYMKENT. QazAqparat – Shymkentte elimizdiń ǵalymdary men kásipkerleri eń qýatty avtotransformatordy tanystyrdy. Ol QR Bilim jáne ǵylym mınıstrligi men Dúnıejúzilik banktiń «Ónimdi ınnovatsııalardy yntalandyrý» jobasy negizinde iske asyryldy, dep habarlaıdy.

Elimizde ǵylym men bıznesti biriktirýdiń arqasynda transfomatorlardy jasaý salasyndaǵy ınnovatsııalyq ilgerileýge qol jetkizilip otyr. «Alageum Electric» kompanııasy, «Energııa» Qazaqstandyq Bas otyn-energetıka júıelerin ǵylymı-zertteý jáne jobalaý-izdestirý ınstıtýty» AQ jáne «Elektrodetal» JShS kásiporyndarynyń quramyna kiretin Kentaý transformator zaýytynyń ǵalymdary men ınjenerleri qýattylyǵy joǵary avtotransformatordy jasap shyǵardy. Ortalyq Azııa men Qazaqstandaǵy eń qýatty sanalatyn avtotransformator 63 MVA sanatty, 220 kV kerneýli. Joba 2017 jyly «Ónimdi ınnovatsııalar konsortsıýmynyń» baǵdarlamasy sheńberine qoldaý tapqan bolatyn. Onyń jobalaýshysy – tehnıka ǵylymdarynyń doktory, Qazaqstannyń eńbek sińirgen energetıgi Sergeı Sokolov. Ol óz salasynda úlken nátıjelerge qol jetkizgendigin aıta ketý kerek. Sonymen qatar, onyń ǵylymı eńbekteri elimizde jáne shet elderde jarııalanǵan.

«Qýattylyǵy 63 MVA avtotransformator» Qazaqstanǵa óte qajet. Olarǵa degen suranys kúnnen-kúnge artyp keledi. Al shet elderde bul transformator óziniń erekshelikterine oraı basqa da osyndaı transformatorlarmen básekege túse alady», - deıdi Sergeı Sokolov.

Búginde Kentaý transformator zaýytynda qurylǵy paıdalanýǵa ázir tur. Jaqyn kúnderi osy transformatorlar arqyly Túrkistan oblysyndaǵy úsh aýdan – Keles, Saryaǵash jáne Maqtaaralǵa elektr energııasy berile bastaıdy. Saryaǵash aýdanynyń turǵyn úı-kommýnaldyq sharýashylyǵymen shart jasalyp ta qoıǵan.

Aıta keteıik, sońǵy kezde elimizde jáne alys-jaqyn shetelderde qýattylyǵy joǵary transformatorlarǵa degen suranys artyp keledi. Máselen, Qazaqstannyń is júzinde barlyq qosalqy stantsııalary HH ǵasyrdyń 80-jyldary salynǵany belgili. Demek, taıaýdaǵy merzimde olardy jańǵyrtýǵa múmkin bolady. Sondyqtan da, eskirgenderin otandyq transformatorlarǵa almastyrý Qazaqstandaǵy ımport almastyrý baǵdarlamasynyń negizgi fılosofııalyq tujyrymy bolyp otyr. Al, «Kentaý transformator zaýyty» AQ bul baǵytta belsendi jumys atqarýda. Kerneýi 220 kV klasty qýattylyǵy 63 MVA avtotransformatory – Qazaqstandaǵy ımportalmastyrý jónindegi aýqymdy jumystyń jarqyn mysaly bolyp tabylady.










Avtor Aınur Aqbaeva
Basty sózder: Energetıka, Ǵylym, Aımaq, Shymkent,
Joǵary qaraı